உருளைக்கிழங்கு வடை

உருளைக்கிழங்கை தோல் சீவி விட்டு கழுவி எடுத்து கிரேற்றரில் வைத்து துருவிக் கொள்ளவும்.

வெங்காயத்தை நீளவாக்கில் மெல்லியதாக வெட்டிக் கொள்ளவும்.

பச்சை மிளகாயை பொடியாக நறுக்கிக் கொள்ளவும்.

துருவிய உருளைக்கிழங்கை கை வைத்து நன்றாகப் பிழிந்து அதிலுள்ள தண்ணீரை நீக்கி விட்டு உதிரி உதிரியாக ஆக்கிக் கொள்ளவும்.

நறுக்கிய வெங்காயத்தில் 1/4 டீஸ்பூன் உப்பு சேர்த்து நன்றாக பிசையவும்.இப்படி பிசையும் போது வெங்காயத்தில் இருந்து தண்ணீர் ஊறி வரும்.அந்த தண்ணீரே போதுமானது.வேறு தண்ணீர் எதுவும் சேர்க்க தேவையில்லை.

உதிரியான உருளைக்கிழங்குடன் நன்றாகப் பிசைந்த வெங்காயத்தை சேர்த்து மிக்ஸ் பண்ணவும்.

இதனுடன் கடலை மாவு, மஞ்சள் தூள், மிளகாய் தூள், கரம் மசாலா தூள்,நறுக்கிய பச்சைமிளகாய், கறிவேப்பிலை, மல்லித்தழை, 2 சிட்டிகை உப்பும் சேர்த்து நன்றாகப் பிசைந்து கொள்ளவும்.

ஒரு கடாய் அடுப்பில் வைத்து பொரிப்பதற்கு தேவையான எண்ணெய் ஊற்றி, மிதமான சூட்டில் வடை போல தட்டிப் போட்டு இருபுறமும் பொன்னிறமாக வேகும் வரை பொரித்து எடுக்கவும்.

அருமையான சுவையில் உருளைக்கிழங்கு வடை ரெடி.