காலிஃப்ளவரை சுத்தம் செய்து உப்பு மஞ்சள் தூள் சேர்த்து தண்ணீரில் அரை வேக்காடு வேக வைக்கவும். வேக வைத்து தண்ணீர் வடித்து ஆற வைத்த காலிஃப்ளவரை கடலை மாவு கார்ன் ஃப்ளார் மாவு மிளகாய்த்தூள் இஞ்சி பூண்டு விழுது தேவைக்கேற்ப உப்பு கரம்மசாலா சேர்த்து கலந்து, சிறிது தண்ணீர் தெளித்து பிரட்டி 20 நிமிடம் ஊறவைக்கவும்.

கடாயில் பொரிப்பதற்கு தேவையான அளவு எண்ணெய் ஊற்றி எண்ணெய் காய்ந்ததும் காலிஃப்ளவரை பொரித்து எடுக்கவும். டிஷ்யூ பேப்பர் உபயோகித்து அதில் இருக்கும் எண்ணையை எடுக்கவும்.

ஒரு கடாயில் ஒரு டேபிள்ஸ்பூன் எண்ணெய் சேர்த்து பொடியாக நறுக்கிய பூண்டு பச்சை மிளகாய் தாளித்து நறுக்கிய வெங்காயம் மற்றும் குடைமிளகாய் சேர்த்து ஒரு நிமிடம் வதக்கவும். அரை டீஸ்பூன் சோயா சாஸ், சில்லி சாஸ், அரை டீஸ்பூன் சிவப்பு மிளகாய் தூள் மற்றும் சர்க்கரை சேர்த்து 1/2 நிமிடம் வதக்கவும்.

1 டேபிள்ஸ்பூன் கார்ன் ஃப்ளார் மாவை கால் கப் தண்ணீரில் கரைத்து அதில் ஊற்றி சிறிது உப்பு சேர்த்து 2 நிமிடம் கொதிக்க விடவும்.

கான்பிளவர் மாவு கொதிக்கும் பொழுது கண்ணாடி போல் மினுமினுப்பாக வரும், அப்போது பொரித்து வைத்திருக்கும் காலிஃப்ளவரை அதனுடன் சேர்த்து நன்கு பிரட்டி கலந்து விடவும். இரண்டு நிமிடம் வதக்கிய பின் அடுப்பை அணைத்து கொத்தமல்லி இலை தூவி பரிமாறவும். சுவையான கோபி மஞ்சூரியன் ரெடி.