அரை கப் துவரம் பருப்பை கால் ஸ்பூன் விளக்கெண்ணெய்,கால் ஸ்பூன் மஞ்சள்தூள் சேர்த்து குக்கரில் வேக வைத்துக் கொள்ளவும். மாங்காயை கழுவி வைத்துக் கொள்ளவும்.ஒரு பெரிய நெல்லிக்காய் அளவு புளியை தண்ணீரில் ஊற வைத்துக் கொள்ளவும்.

பாதி மாங்காயை படத்தில் காட்டியவாறு அரிந்து கொள்ளவும். குக்கரில் போட்டு ரெண்டு ஸ்பூன் சாம்பார் தூள், தேவையான அளவுஉப்பு சேர்த்து தண்ணீர் சேர்த்து வேகவிடவும். மாங்காய் பாதி வெந்த பின் வேக வைத்த துவரம்பருப்பை சேர்த்து வேகவிடவும்.

பருப்பில் மாங் காய் வெந்தவுடன் புளிப்பு சுவை பார்த்து தேவையான அளவு கரைத்து வைத்த புளியை சேர்த்துக் கொள்ளவும். கடைசியாக வெல்லம் 2 ஸ்பூன் சேர்க்கவும்.ஒரு ஸ்பூன் தாளிக்கும் கரண்டியில் எண்ணெய் சேர்த்து அதில் கடுகு உளுத்தம்பருப்பு,பெருங்காயத்தூள், கறிவேப்பிலை, 2 கிள்ளிய வரமிளகாய் சேர்த்து தாளிக்கவும். இந்த தாலிப்பை சாம்பாரில் சேர்த்து கலந்து விடவும். கடைசியில் கிள்ளிய கொத்தமல்லித்தழை சேர்த்துக் கொள்ளவும். சுவையான மாங்காய் சாம்பார் தயார்.