முதலில் துவரம் பருப்பை கழுவி குக்கரில் 2 டம்ளர் தண்ணீர் சேர்த்து அதில் கால் ஸ்பூன் அளவு மஞ்சள்தூள் மற்றும் கால் ஸ்பூன் விளக்கெண்ணெய் சேர்த்து ஐந்து விசில் விட்டு வேக வைத்துக் கொள்ளவும். முருங்கைக்காயை ஒரு இன்ச் அளவிற்கு அறிந்து கொள்ளவும். உருளைக்கிழங்கை தோல் உரித்து பெரிய சைஸில் அறிந்து கொள்ளவும். சின்ன வெங்காயம் தோலுரித்து கொள்ளவும். ஒரு தக்காளியை பொடியாக அரிந்து கொள்ளவும். ஒரு பச்சை மிளகாயை இரண்டாக கீறிக் கொள்ளவும். எலுமிச்சை அளவு புளியை கரைத்துக் கொள்ளவும்.

இப்போது வாணலியில் ஒரு ஸ்பூன் எண்ணெய் சேர்த்த அதில் சின்ன வெங்காயம், பச்சை மிளகாய், தக்காளி சேர்த்து வதக்கவும். சிறிது நிறம் மாறிய உடன் உருளைக்கிழங்கு மற்றும் முருங்கைக்காய் சேர்க்கவும். இரண்டு ஸ்பூன் சாம்பார் தூள் மற்றும் உப்பு சேர்க்கவும்.

இப்போது காய்கறியில் ஒரு டம்ளர் தண்ணீர் சேர்த்து மூடி வைத்து காய்கறிகள் வேகும் வரை வேக விடவும். காய்கள் வெந்தவுடன் வேகவைத்த பருப்பை சேர்க்கவும் நன்கு கொதித்தவுடன் புளித்தண்ணீரை சேர்த்து மீண்டும் ஒரு கொதி விடவும்.

ஒரு தாளிக்கும் கரண்டியில் ஒரு ஸ்பூன் எண்ணெய் ஊற்றி காய்ந்ததும் கடுகு உளுத்தம்பருப்பு பெருங்காயத்தூள் கறிவேப்பிலை வரமிளகாய் சேர்த்து தாளிக்கவும். இவற்றை குழம்பில் சேர்க்கவும். சுவையான மனமான உருளைக்கிழங்கு முருங்கைக்காய் சாம்பார் தயார். சாப்பாட்டிற்கும் இட்லி தோசைக்கும் சுவையாக இருக்கும்.