கோஸ் கேரட் பட்டாணி பொரியல்

150 கிராம் முட்டைக்கோசை பொடியாக நறுக்கி கழுவி கொதிக்கும் தண்ணீரில் போட்டு வடித்து வைக்கவும். காய்ந்த பச்சை பட்டாணியை ஊற வைத்து குக்கரில் 3 விசில் வேகவிடவும். பட்டாணி வெந்தவுடன் வடித்து வைக்கவும். கேரட் 1 பொடியாக நறுக்கி வைக்கவும்.

கடாயில் 3 டீஸ்பூன் ஆயில் விட்டு 1/2 டீஸ்பூன் கடுகு,1 டீஸ்பூன் உளுந்து பருப்பு,1 டீஸ்பூன் கடலை பருப்பு நறுக்கிய 1 பச்சை மிளகாய் சிறிது கறிவேப்பிலை தாளித்து அதனுடன் வெந்த பச்சை பட்டாணி கேரட்டையும் சேர்த்து வதக்கி விடவும். கோஸ் வடித்து வைக்கவும்.

பட்டாணி கேரட் வெந்தவுடன் வடித்து வைத்த முட்டைகோஸ் சேர்த்து தண்ணீர் சிறிது தெளித்து வேகவிடவும். தண்ணீர் வற்றிய உடன் துருவிய தேங்காய் 1 டேபிள் ஸ்பூன் சேர்த்து பிரட்டவும்.

சுவையான கோஸ் கேரட் பட்டாணி பொரியல் ரெடி.😋😋