சுரைக்காயை தோல் நீக்கி துருவி எடுத்து கொள்ளவும். அதனுடன் அரைத்த இஞ்சி, பூண்டு மிளகாய் விழுதை சேர்க்கவும். அதனுடன் சீரகத்தூள், மல்லித் தூள், மஞ்சள் தூள், சர்க்கரை, பொடியாக நறுக்கிய கொத்தமல்லி இழை, தேவையான அளவு உப்பு, பெருங்காயத்தூள் சேர்த்து நன்றாக கலந்து கொள்ளவும்.

பின்னர் அதனுடன் 1/4கப் கோதுமை மாவு, 1/4கப் ரவை, 1/2கப் கடலை மாவு கலந்து நன்றாக பிசைந்து கொள்ளவும். (தண்ணீர் சேர்க்க கூடாது). சப்பாத்தி மாவை போல் பிசைந்து அதன் மேல் 1ஸ்பூன் எண்ணெய் தடவி கொள்ளவும்.

பின்னர் ஒரு தட்டில் எண்ணெய் தடவி அதன் மேல் சுரைக்காய் கலவையை பரப்ப வேண்டும் (மெலிதாக பரப்பினால் சுவை கூடும்). பின்னர் ஒரு கடாயில் தண்ணீர் சேர்த்து அதன் நடுவே ஒரு ஸ்டாண்ட் வைத்து அதன் மேல் தட்டை வைத்து மூடி 20நிமிடம் வேக விடவும். ஒரு பல் குத்தும் குச்சி அல்லது கத்தியை கொண்டு கேக்கின் நடுவில் குத்தி பார்க்கவும். கத்தியில் ஒட்டாமல் இருந்தால் வெந்தது என்று அர்த்தம். பின்னர் தட்டை வெளியில் எடுத்து ஆற விடவும்.

பின்னர் கேக்கை போல் சதுரமாக வெட்டி எடுக்கவும். அதனை தவாவில் சிறிது எண்ணெய் ஊற்றி அதில் சுரைக்காய் கபாப்பை வைத்து நன்கு சிவக்க இரு புறமும் பொறித்து எடுக்கவும். மிகவும் சுவையான மொறு மொறுப்பான சுரைக்காய் கபாப் தயார்.