காலிஃப்ளவரை சிறிய பூவாக கிள்ளி சுடு தண்ணீரில் சேர்த்து வேக விட்டு வடித்து வைக்கவும். 1 கிண்ணத்தில் மைதா 3 டேபிள்ஸ்பூன்,சோள மாவு 3 டேபிள்ஸ்பூன் அரிசி மாவு 1 டேபிள்ஸ்பூன் எடுத்து சலித்து வைக்கவும்.

1 டீஸ்பூன் மிளகாய்த்தூள் 1டீஸ்பூன் கரம் மசாலாத்தூள் 1/2 டீஸ்பூன் மிளகுத்தூள் உப்பு தண்ணீர் சிறிது விட்டு கெட்டியாக கலக்கி வைக்கவும்.

வேக வைத்து வடித்து வைத்த காலிஃப்ளவரை மாவில் சேர்த்து பிசறி விடவும். 2 நிமிடம் கழித்து கடாயில் 2 குழி கரண்டி எண்ணெய் விட்டு காலிஃப்ளவர்களை பொன்னிறமாக பொரித்து எடுக்கவும். காலிஃப்ளவர் மொறு மொறுப்பாக இருக்கும்.

கடாயில் ஆயில் விட்டு 1/2 டீஸ்பூன் கடுகு, வரமிளகாய் கிள்ளியது 2, பச்சை மிளகாய் 1 நறுக்கியது,கறிவேப்பிலை சிறிது இஞ்சி பூண்டு விழுது 1 டேபிள் ஸ்பூன் சேர்த்து நன்கு வதக்கவும். 2 பெரிய வெங்காயத்தை தோல் நீக்கி கழுவி நீளவாக்கில் நறுக்கி வைக்கவும்.

நறுக்கிய வெங்காயத்தை இஞ்சி பூண்டு விழுதுடன் சேர்த்து நன்கு வதக்கவும். வதங்கியவுடன் 1/4 டீஸ்பூன் மஞ்சள்தூள்,1/2 டீஸ்பூன் சீரகத்தூள், 1 டீஸ்பூன் கரம்மசாலா தூள், 1 டீஸ்பூன் மிளகாய்த்தூள் சேர்த்து 2 நிமிடம் பச்சை வாசனை நீங்க வதக்கவும். வதங்கிய உடன் பொன்னிறமாக பொரித்து வைத்துள்ள காலிஃப்ளவரை வதங்கிய வெங்காயத்துடன் சேர்த்து நன்கு பிரட்டவும். அடுப்பை சிம்மில் வைத்து இரண்டு நிமிடம் கழித்து எடுத்து வைக்கவும்.

சுவையான ரெஸ்டாரண்ட் ஸ்டைல் காலிஃப்ளவர் சில்லி ரெடி😋😋சூப்பர் டேஸ்ட்