சாம்பார் நெய் மினி இட்லி (Mini Idli Sambar Recipe in Tamil)

முதலில் சின்ன வெங்காயத்தை முழுசாக உரித்து வைக்கவும். தக்காளி மற்றும் கேரட்டை சிறு சிறு துண்டாக நறுக்கவும். பச்சைமிளகாயை கீறி வைக்கவும். கத்திரிக்காயை சிறு துண்டாக நறுக்கி தண்ணீரில் போட்டு வைக்கவும்.

பருப்பை அலசி விட்டு குக்கரில் வேக வைக்கவும். வாணலியில் எண்ணெய் ஊற்றி வரமிளகாயை கிள்ளி போட்டு தாளிக்கும் பொருட்களை போட்டு தாளிக்கவும். அதில் சின்ன வெங்காயம், பச்சைமிளகாய், கேரட், கறிவேப்பிலை சேர்த்து வதக்கவும்.

பின்னர் கத்திரிக்காய் சேர்த்து லேசாக வதக்கவும். வதக்கிய காய்களை வேக வைத்திருக்கும் பருப்பில் சேர்த்து மிளகாய்தூள், மல்லித்தூள், மஞ்சள்தூள், உப்பு, இரண்டு தம்ளர் தண்ணீர் சேர்த்து 2 விசில் வரும் வரை வேக விடவும்

பின்னர் இறக்கி வேறு பாத்திரத்தில் மாற்றி மேலே மல்லித்தழை தூவவும். ஒரு கப்பில் மினி இட்லியை போட்டு மூழ்கும் அளவு சாம்பாரை ஊற்றி மேலே 2 தேக்கரண்டி நெய் விட்டு பரிமாறவும். சுவையான மினி இட்லி தயார்.