கமர்கட்டு

முத்தலான தேங்காய் ஒன்று எடுத்து ஒரு கப் துருவி வைத்துக் கொள்ளவும். வாணலியில் நெய் விட்டு தேங்காயை நன்கு வதக்கி எடுத்து வைத்துக் கொள்ளவும்..

ஒரு பாத்திரத்தில் தண்ணீர் ஊற்றி அடுப்பில் வைத்து வெல்லத்தை போட்டு நன்கு கொதிக்க வைக்கவும். பின் அதை வேறொரு பாத்திரத்தில் வடிகட்டி வைத்துக் கொள்ளவும்.

வாணலில் ஏலக்காய் தூள் மற்றும் வெல்லத்தை சேர்த்து நன்கு கிளறவும்.வெல்லம் நன்கு பொன்னிறமாக மாறும் வரை அடுப்பில் வைத்து நன்கு கிளறி கொண்டே இருக்கவும்.பின் தண்ணீரில் சிறிது பாகு விட்டு பார்த்தால் கையில் உருண்டை பதம் வர வேண்டும். பளபளப்பிற்கு சிறிது நெய் சேர்க்கவும் பின் தேங்காய் எடுத்து கொட்டி வாணலியில் ஒட்டாத அளவிற்கு சுருண்டு வரும்போது ஒரு தட்டில் மாற்றவும்.

பின் அவற்றை எடுத்து ஒரு தட்டில் வைத்து மிதமான சூட்டில் சிறு சிறு உருண்டைகளாக நெய் தொட்டு உருட்டி கமர்கட்டு செய்யவும். சுவையான கமர்கட்டு ரெடி.

கமர்கட்டு கலவை மிதமான சூட்டில் இருக்கும்போதே உருட்டி வைத்துக் கொள்ளவும் ஆரி விட்டால் இறுக்கமாகி விடும். உருட்ட ஏதுவாக வராது. சுவையான கமர்கட்டு ரெடி.