காளான் மிளகு மசாலா இட்லி (mushroom pepper masala idly)

இட்லியை துண்டுகளாக நறுக்கிக்கொள்ளவும்.

காளான், வெங்காயம், தக்காளி, பச்சை மிளகாய், வெங்காயத்தாள், மல்லி இலை எல்லாவற்றையும் நறுக்கி வைக்கவும்.

வாணலியில் எண்ணை ஊற்றி சூடானதும், கடுகு, உளுந்து பருப்பு, கறிவேப்பிலை சேர்த்து பொரிந்ததும், வெங்காயம், தக்காளி, சேர்த்து வதக்கி, மஞ்சள், மிளகாய் தூள் சேர்த்து வதக்கி, பின்னர் காளான், கொஞ்சம் உப்பு சேர்த்து ஐந்து நிமிடங்கள் மூடி வைக்கவும். (உப்பு இட்டிலில் உள்ளதால், காளானுக்கு தேவையான அளவு மட்டும் சேர்க்கவும்)

பின்னர் இட்லித்துண்டுகளை சேர்த்து, மிளகுத்தூள், வெங்காயத்தாள் சேர்த்து இரண்டு நிமிடங்கள் கலந்து, மல்லி இலை தூவி இறக்கினால் சுவையான காளான் மிளகு மசாலா இட்லி சுவைக்கத்தயார்.

குழந்தைகள் முதல் பெரியவர்கள் வரை அனைவரும் விரும்பி சுவைத்திட, காலையில் செய்து, மீதியான இட்லியை வைத்து ஒரு புதுவித சிற்றுண்டியாக தயார் செய்து சுவைக்கவும்.