முதலில் பாஸ்மதி அரிசியை 30 நிமிடம் தண்ணீரில் ஊறவைத்து வேகவைத்து எடுத்துக்கொள்ள வேண்டும்.

இப்போது பாத்திரத்தில் 2 கப் தண்ணீர் சேர்த்து அதோடு ஒரு ஸ்பூன் உப்பு சேர்த்து கொள்ள வேண்டும். தண்ணீர் கொதித்ததும் அதில் நூடுல்ஸை சேர்த்து ஐந்து நிமிடம் வேக விடவும்.

நன்றாக வெந்த பிறகு வேறு பாத்திரத்துக்கு மாற்றவும். சமைக்க தேவையான காய்கறிகளை சிறிது சிறிதாக நறுக்கி எடுத்துக்கொள்ள வேண்டும்.

இப்பொழுது ஒரு பாத்திரத்தில் 2 ஸ்பூன் எண்ணெய் சேர்த்து அதில் நறுக்கி வைத்திருக்கும் பெரிய வெங்காயம் பச்சை மிளகாய் சுட்டுப்சே மற்றும் பூண்டு சேர்த்து நன்றாக வதக்க வேண்டும். வெங்காயம் நன்றாக வதங்கிய பின்பு நறுக்கி வைத்துள்ள கேரட் முட்டைகோஸ் மற்றும் குடைமிளகாய் சேர்த்து தேவையான அளவு உப்பு சேர்த்து நன்றாக வதக்கவும்.

நன்றாக வதங்கிய பின்பு அதோடு டொமேட்டோ சாஸ் மற்றும் சோயா சாஸ் சேர்த்து நன்றாக கிளறிவிடவும்.

இப்பொழுது வேக வைத்த நூடுல்ஸ் மற்றும் பாஸ்மதி அரிசியை சேர்த்து நன்றாக கிளறவும். இப்பொழுது அதோடு சிறிதளவு நல்ல மிளகுத்தூள் சேர்த்து கலந்து விடவும்.

சுவையான காம்பினேஷன் தவா புலாவ் ரெடி. நன்றி