தூதுவளை மிளகு ரொட்டி

இட்லி அரிசியை 2 மணி நேரம் ஊற விடவும். தூதுவளை இலையை சுத்தம் செய்து நன்கு கழுவி தண்ணீர் வடிய எடுத்துக் கொள்ளவும்.

மிக்ஸி ஜாரில் மிளகை, தூதுவளை இலை சேர்த்து சிறிது அரைத்துக் கொள்ளவும்

அதனுடன் அரிசியை சேர்த்து தேவையான அளவு தண்ணீர் சேர்த்து நைசாக அரைத்து எடுத்துக் கொள்ளவும்

தண்ணீர் சேர்த்து அரைத்ததால் மாவு கொஞ்சம் இலகுவாக இருக்கும். எனவே அதனுடன் அரிசி மாவு சேர்த்து நன்கு நன்கு கெட்டியாக பிசைந்து கொள்ளவும்

ஒரு சில்வர் தட்டினை திருப்பி போட்டு சிறிது எண்ணெய் விட்டு சிறு உருண்டை மாவு எடுத்து கையால் ரொட்டியாகத் தட்டவும்

தோசைக்கல் காய்ந்ததும் சிறிது நல்லெண்ணெய் விட்டு தட்டிய ரொட்டியை எடுத்து மெதுவாக போட்டு இருபுறமும் திருப்பிப் போட்டு மூடி வைத்து வேக வைத்து எடுக்கவும்

ரொட்டியை மூடி போட்டு தான் வேக வைக்க வேண்டும். மூடவில்லை என்றால் உட்பகுதியில் மாவு வேகாமல் இருக்கும். வெந்ததும் மேலே சிறிது மிளகு தூளை சேர்த்து சூடாக சாப்பிடவும்