முதலில் மேற்கூறிய பொருட்களை தயார் படுத்தி எடுத்து வைத்துக் கொள்ளவும்.2 டேபிள்ஸ்பூன் நிலக்கடலையை சூடான வாணலியில் தோல் நீங்கும் அளவிற்கு நன்கு வறுத்துக் கொள்ளவும். அதனுடன் 2 டேபிள் ஸ்பூன் பொடியாக அரிந்த கொப்பரை தேங்காய் மற்றும் 2 டேபிள்ஸ்பூன் எள் சேர்த்து சிவக்க வறுக்கவும். இவற்றை மிக்ஸியில் பொடியாக அரைத்து வைத்துக்கொள்ளவும்

பிறகு வாணலியில் ஒரு டேபிள் ஸ்பூன் எண்ணெய் சேர்த்து அதில் அரிந்த அரை பெரிய வெங்காயத்தை சேர்க்கவும். பிறகு ஒரு ஸ்பூன் இஞ்சி பூண்டு விழுது சேர்க்கவும். இதனுடன் நறுக்கிய ஒரு தக்காளி மற்றும் 2 டேபிள் ஸ்பூன் புதினா சேர்க்கவும். நன்கு வதங்கும் வரை வதக்கி கொள்ளவும். ஆற வைத்துக் கொள்ளவும்.

வெங்காய தக்காளி நன்கு ஆறியவுடன் மிக்ஸியில் சேர்த்து அதனுடன் வறுத்து பொடி செய்த எள்ளு கடலைக் கொட்டை கொப்பரை தேங்காய் பவுடர் சேர்த்துக் கொள்ளவும். கால் டம்ளர் அளவு தண்ணீர் சேர்த்து மீண்டும் நன்றாக எல்லாவற்றையும் அரைத்துக் கொள்ளவும்.இப்போது ஒரு வாணலியில் ஒரு டேபிள்ஸ்பூன் எண்ணெய் சேர்த்து அதில் ஒரு பிரிஞ்சி இலை, ஒரு இன்ச் அளவு பட்டை, 2 ஏலக்காய், ஒரு ஸ்பூன் சீரகம் சேர்த்து வறுத்துக் கொள்ளவும். இவற்றுடன் அரைத்த விழுதை சேர்த்து நிறம் மாறும் வரை நன்கு வதக்கி கொள்ளவும்.

நன்கு நிறம் மாறி வதங்கியவுடன் அதில் எடுத்து வைத்த கால் ஸ்பூன் மஞ்சள் தூள், அரை ஸ்பூன் கொத்தமல்லி தூள், முக்கால் ஸ்பூன் மிளகாய்த்தூள், கால் டீஸ்பூன் சீரகத்தூள், அரை ஸ்பூன் கரம் மசாலா தூள், ஒரு ஸ்பூன் உப்புத்தூள் சேர்த்து நன்கு கலந்து விட்டு இரண்டு கப் தண்ணீர் சேர்த்து 10 நிமிடம் கொதிக்க விடவும். பத்து நிமிடங்கள் போதுமானது.

பத்து நிமிடம்கொதித்தவுடன் கலவை ஓரளவிற்கு கெட்டியாகும். அப்போது அடுப்பை நிறுத்தி விடவும். இறுதியில் பொடியாக அரிந்த கொத்தமல்லித்தழை சேர்த்து அலங்கரிக்கவும். உப்பு உங்களுக்கு தேவையான அளவிற்கு சேர்த்துக் கொள்ளலாம். இந்த குழம்பு பூரி சப்பாத்திக்கும் மிகவும் நன்றாக இருக்கும்.