மட்டன் தம் பரோட்டா

பாத்திரத்தில் மைதா, எண்ணெய், உப்பு சேர்த்து நன்றாக பிசையவும். பிசைந்த மாவை இரண்டு மணி நேரம் ஈரத்துணி போட்டு மூடி வைக்கவும்.

மட்டன், வெங்காயம், தக்காளி,பச்சை மிளகாய் அனைத்தையும் சிறு சிறு துண்டுகளாக நறுக்கவும். வத்தல் பொடி, மல்லி பொடி,மஞ்சள் பொடி, இறைச்சி மசாலா பொடி, சீரகம்,மிளகு,இஞ்சி பூண்டு விழுது அனைத்தையும் தயார் நிலையில் வைக்கவும்.

பரோட்டா மாவை சிறு சிறு துண்டுகளாக எண்ணெயில் தேய்த்து உருட்டிக் கொள்ளவும்.

சப்பாத்திக் கட்டையில் பரோட்டா மாவு போட்டு மெலிதாக தேய்த்துக் கொள்ளவும். மெல்லிதாக தேய்த்த பரோட்டா மாவை வட்டமாக சுற்றி வைக்கவும். அனைத்து துண்டுகளையும் சுற்றி வைத்த பின்பு ஒன்றன்பின் ஒன்றாக பரோட்டாவை தேய்த்துக்கொள்ளலாம்.

தோசைக்கல்லை அடுப்பில் வைத்து பரோட்டாவை தயார் பண்ணவும். இருபுறமும் நன்றாக வேக ஒரு துணியால் அழுத்திக் கொடுக்கவும். தயாரான பரோட்டாவை சப்பாத்தி கட்டையில் வைத்து நன்றாக அடித்துக் கொள்ளலாம்.

அடுப்பில் தோசை கல் வைத்து அதன்மேல் மண்பானையை வைக்கவும். மண்பானை உள்ளே சிறிதளவு எண்ணெய் போட்டு, பரோட்டா, தம் மசாலா, பரோட்டா, தம்மசாலா போட்டு பானையின் மேற்புறத்தை வாழையிலை அல்லது பாயில் பேப்பர் கொண்டு இருக்கமாக மூடவும். தோசைக் கல்லும் மண் பானையும் நன்றாக சூடான நிலையில் அடுப்புத் தீயை குறைத்து வைத்துக் கொள்ளவும். தம் 10 முதல் 15 நிமிடங்கள் வைக்க வேண்டும்.

சுவையான மட்டன் தம் பரோட்டா ரெடி. பரோட்டா மெதுவாக தம் மசாலாவும் சேர்ந்து சுவையாக இருக்கும்.