சாக்லேட் மஃபின் கேக்(Chocolate muffin cake recipe in Tamil)

முதலில் கொடுத்துள்ள பொருட்களை சரியான அளவு அளந்து எடுத்து வைத்துக் கொள்ளவும். ஒரு பாத்திரத்தில் தயிர் மற்றும் பொடித்த சர்க்கரை சேர்த்து நன்கு ஒரு விஸ்க் கரண்டி வைத்து கலக்கி கொண்டு பிறகு எண்ணெய் ஊற்றி கலக்கவும்.

அந்த பாத்திரத்தின் மேல் ஒரு சல்லடை வைத்து கொக்கோ பவுடர்,மைதா, மாவு, பேக்கிங் பவுடர்,பேக்கிங் சோடா, போட்டு சலித்து எடுத்து கொண்டு பிறகு வெனிலா எசன்ஸ் ஊற்றி கட்டியில்லாமல் கலக்கவும். தேவைப்பட்டால் இரண்டு டேபிள் ஸ்பூன் பால் சேர்த்து கொள்ளலாம்.

ஒரு கடாயில் ஸ்டாண்ட் வைத்து மூடி போட்டு மூடி 10 நிமிடங்கள் மிதமான தீயில் சூடேற்றி வைத்து கொள்ளவும். கலந்து வைத்துள்ள மாவை ஒவ்வொரு கிண்ணத்தில் உள்ளே மஃபீன் பேப்பரை கப் வைத்து முக்கால் பாகம் மூழ்கும் அளவிற்கு மாவை ஊற்றி மேலே முந்திரி பருப்புகளைத் தூவி வைக்கவும்.இதனை 20 முதல் 25 நிமிடங்கள் வரை வேக வைத்து இறக்கி நன்கு ஆற வைத்து கொடுத்தால் குழந்தைகள் முதல் பெரியவர்கள் வரை விரும்பி உண்ணக்கூடிய சாக்லேட் மஃபீன் கேக் தயார்.