வாணலியில் எண்ணெய் ஊற்றி காய்ந்ததும் பூண்டு பல் தோல் உரித்து லேசாக நசுக்கி சேர்த்து பொன்னிறமாக மொறு மொறு வென வரும் வரை வதக்கி தனியே எடுத்து வைக்கவும்.பூண்டு நன்றாக வதக்கி கொள்ளவும். இல்லை என்றால் சீக்கிரம் பொடி கெட்டு போக வாய்ப்பு உள்ளது.

பிறகு உளுத்தம்பருப்பு சேர்த்து பொன்னிறமாக வறுத்து எடுக்கவும். கடலைப்பருப்பு, துவரம்பருப்பு சேர்த்து பொன்னிறமாக வறுத்து எடுக்கவும்.

பிறகு கறிவேப்பிலை சேர்த்து மொறு மொறுப்பாக வரும் வரை வதக்கி தனியே எடுத்து வைக்கவும்.பிறகு காய்ந்த மிளகாய் சேர்த்து வதக்கி எடுத்து இவை அனைத்தும் நன்றாக ஆற விடவும்.

மிக்ஸி ஜாரில் இவற்றை சேர்த்து உப்பு, பெருங்காயத்தூள் சேர்த்து அரைத்து எடுக்கவும். சூப்பரான பூண்டு இட்லி பொடி தயார். இது 1 மாதம் வரை நன்றாக இருக்கும். ஃப்ரிட்ஜில் 3 மாதங்கள் வரை வைத்து பயன்படுத்தலாம். இது தோசை, இட்லி, ஊத்தப்பம் உடன் சாப்பிட சுவையாக இருக்கும். நன்றி.