வாழைக்காயை தோல் சீவி வட்டமாக நறுக்கி தண்ணீரில் போட்டு வைக்கவும். ஒரு கடாயில் தண்ணீர் ஊற்றி கொதிக்க வைத்து அதனுள் மஞ்சள் தூள் சிறிதளவு உப்பு மற்றும் நறுக்கி வைத்துள்ள வாழைக்காயை போட்டு வேக வைத்து ஒரு சல்லடை வைத்து தண்ணீரை வடித்து எடுத்துக் கொள்ளவும்.

ஒரு பாத்திரத்தில் மிளகாய்த்தூள்,சீரகத்தூள், கரம் மசாலா தூள் மற்றும் தேவையான அளவு உப்பு சேர்த்து கலந்து கொண்டு வடித்து வைத்துள்ள வாழைக்காயை கொஞ்சம் கொஞ்சமாக எடுத்து இந்த மசாலாவில் பிரட்டி எடுத்து ஒரு தட்டில் வைத்துக் கொள்ளவும்.

ஒரு தோசைக்கல்லை மிதமான தீயில் வைத்து மசாலா கலந்துள்ள வாழைக்காயை போட்டு எண்ணெய் ஊற்றி இரு பக்கமும் சிவக்க பிரட்டி எடுத்தால் சுவையான வாழைக்காய் பிரட்டல் தயார்.