ஒரு பாத்திரத்தில் பாஸ்மதி அரிசியை கழுவி அதை தண்ணீர் ஊற்றி 30 நிமிடங்கள் ஊற வைத்துக் எடுத்துக் கொண்டு குக்கரில் உள்ளே வைத்து 3 டம்ளர் தண்ணீர் ஊற்றி அதில் சிறிதளவு உப்பு மற்றும் ஒரு டேபிள் ஸ்பூன் எண்ணெய் ஊற்றி ஒரு விசில் விட்டு வேக வைத்து தட்டில் கொட்டி நன்கு ஆறவிடவும்.

கொடுத்துள்ள காய்கறிகளை நீளவாக்கில் நறுக்கி எடுத்து வைத்துக் கொள்ளவும். ஒரு கடாயில் எண்ணெய் ஊற்றி பொடியாக நறுக்கி வைத்துள்ள இஞ்சி மற்றும் பூண்டு மற்றும் வெங்காயம் சேர்த்து நன்கு வதக்கவும்.

இதனுடன் நீளமாக நறுக்கிய கேரட் பீன்ஸ் கோஸ் குடைமிளகாய் மற்றும் ஸ்பிரிங் ஆனியன் சிறிதளவு சேர்த்து ஒன்றன்பின் ஒன்றாக வதக்கி கெட்சப், தேவையான அளவு உப்பு மற்றும் சிறிதளவு தண்ணீர் தெளித்து 5 நிமிடங்கள் மூடி போட்டு வேக விட்டப் பின் எடுத்துக் கொண்டு ஆறவைத்த சாதத்தையும் சேர்த்து நன்கு கிளறி
இதனுடன் சிறிதளவு மிளகுத் தூள்,கொத்தமல்லி மற்றும் ஸ்பிரிங் ஆனியன் தூவி இறக்கினால் சுவையான வெஜ் ஃப்ரைட் ரைஸ் தயார்.