தேவையான பொருட்களை எடுத்துக் கொள்ளவும். குக்கரில் பாசிப்பருப்பை நன்கு கழுவி சேர்த்து அது மூழ்கும் அளவு தண்ணீர் ஊற்றி 2 விசில் வைத்து எடுத்துக் கொள்ளவும்

கடாயில் வெல்லத்தை சிறிது தண்ணீர் விட்டு வெல்லம் கரையும் வரை சூடு செய்யவும். பிறகு இதனை வடிகட்டி அதே கடாயில் எடுத்துக் கொள்ளவும்

வெல்ல கரைசலுடன் தேங்காய் துருவலை சேர்த்து கிளறவும். ஒரு கொதி வந்ததும் வேக வைத்த பாசிப்பருப்பை சேர்த்து மீண்டும் கொதிக்க விடவும்

பிறகு இதனுடன் ஏலக்காய்த்தூள் சேர்த்து மிதமான தீயில் வைத்து சிறிது வற்றி சுருளும் வரை கிளறி கிளறி விட்டு இறக்கவும். பூரணம் ரெடி

மாவை ஒரு அகலமான பாத்திரத்தில் எடுத்துக்கொண்டு சிறுது உப்பு சேர்த்து கொதிக்கும் தண்ணீரை சிறிது சிறிதாக ஊற்றி கரண்டியால் கிளறவும்

பிறகு சிறிது ஆறியதும் மாவை கையால் நன்கு பிசையவும். இப்போது கொழுக்கட்டை செய்யும் அச்சில் இரு பக்கமும் மாவை எடுத்து வைக்கவும்

நடுவில் ஒரு ஸ்பூன் கொண்டு பூரணத்தை எடுத்து வைக்கவும். பிறகு இதனை மூடி திறந்து வெளியே எடுக்கவும்

இதேபோல் எல்லா மாவையும் கொழுக்கட்டைகளாக செய்து எடுக்கவும்

இட்லி பாத்திரத்தில் தண்ணீர் ஊற்றி இட்லித் தட்டை அதன் மேல் வைத்து கொழுக்கட்டைகளை ஒவ்வொன்றாக மெதுவாக அடுக்கி வைக்கவும். 10 நிமிடங்கள் வேக வேகவிட்டு எடுக்கவும்