முதலில் ஒரு பவுலில் மைதா மாவு, கோதுமை மாவு, உப்பு, எண்ணெய் விட்டு கலந்து, தேவையான தண்ணி விட்டு சாப்ட்டான சப்பாத்தி மாவு பதத்துக்கு பிசைந்து 10 நிமிடம் மூடி வைக்கவும்

கடாயில் எண்ணெய் விட்டு கடுகு, சீரகம், கறிவேப்பிலை தாளித்து வெங்காயம் போட்டு வதக்கி, அத்துடன் மஞ்சள்தூள், பச்சை மிளகாய், மிளகாய் ப்பொடி, கரம் மசாலா சேர்த்து வதக்கவும்

மற்று பொடியாக நறுக்கின காரட், பீட்ரூட் (விருப்பமான காய் சேர்த்துகொள்ள லாம்)சேர்த்து உப்பு மஞ்சள்தூள் போட்டு மூடிவைத்து வேக விடவும். குழைய வேக விட வேண்டாம். வெந்ததும். அடுப்பை ஆப் செய்து வேகவைத்து வைத்திருக்கும் உருளை கிழங்கை மசித்து காய்கறி கலவையுடன் சேர்த்து பொடியாக நறுக்கின மல்லிதழையும் சேர்த்து நன்கு கிளறி வைக்கவும். சமோசா பில்லிங் தயார்

பிசைந்து வைத்திருக்கும் மாவை கொஞ்சம் எடுத்து சப்பாத்தி கட்டையில் வைத்து மெல்லிசா சப்பாத்தி இட்டு அதை நீள வாக்கில் கட் செய்து தோசை தவாவில் 1செகண்ட் சூடு பண்ணி சமோசா சீட் தயார் பண்ணிக்கவும். லேசாக சூடு பண்ணினால் போதும்

அதை கோன் முக்கோண வடிவில் செய்து அதுக்குள்ளே செய்து வைத்திருக்கும் மசாலாவை வைத்து மைதா மாவு பசை வைத்து மூணு பக்கம் ஒட்டி எண்ணையில் மிதமான சூட்டில் பொரித்தெடுக்கவும்.. சுவையான கடைகளில் கிடைக்கும் ருசியில் வீட்டில் தயார் பண்ணின சமோசா தயார்.. டொமட்டோ சாஸுடன் சாப்பிட நல்லா இருக்கும்