ஊறிய உளுத்தம்பருப்பை கிரைண்டரில் போட்டு இடையிடையே தண்ணீர் தெளித்து நன்கு மைய அரைத்து எடுத்து விட்டு அரிசியை போட்டு நறநற வென அரைக்க வேண்டும். இந்த மாவை உளுந்தோடு சேர்த்து அள்ளி கல் உப்பு சேர்த்து நன்கு கையால் ஐந்து அல்லது பத்து நிமிடம் கலக்க வேண்டும். பிறகு அப்படியே மூடி இரவெல்லாம் அல்லது 8 மணி நேரம் புளிக்க வைக்க வேண்டும்.

இட்லி பாத்திரத்தில் தண்ணீர் விட்டு அடுப்பில் வைத்து சூடானதும் ஒரு சிறிய தட்டை கவிழ்த்துப் போட்டு, ஒரு தட்டில் எண்ணெய் தடவி அதில் ஒன்றரை கரண்டி மாவை ஊற்றி அந்தத் தட்டை அதன் மீது வைக்க வேண்டும். அதன்மீது இட்லி தட்டை வைக்க வேண்டும் பிறகு இன்னொரு மாவு ஊற்றிய தட்டை வைக்க வேண்டும் அதன்மீது இட்லி தட்டு என அடுக்கி வைத்து பத்து நிமிடம் வேக வைக்க வேண்டும்.

வேக வைத்து 5 நிமிடம் கழித்து எடுத்தால் தட்டு இட்லி தயார்.😋🤤