ஒரு பௌலில் ஒரு கப் மைதா மாவு அரை கப் சர்க்கரை ஒரு ஸ்பூன் பேக்கிங் சோடா கால் ஸ்பூன் உப்பு போட்டு நன்றாக கிளறவும். பிறகு அதில் ஒரு முட்டையை உடைத்து ஊற்றி நன்கு கிளறவும்.

பிறகு அதில் ஒரு டம்ளர் தண்ணீரை தெளித்து தெளித்து சப்பாத்தி மாவு பதத்திற்கு பிசையவும். பிசைந்த மாவை அரை மணி நேரம் ஊற வைக்கவும்.

ஊறவைத்த அந்த மாவை சப்பாத்தி கட்டையில் சப்பாத்தி தேய்ப்பது போல தேய்த்து அதன் மேல் 2 ஸ்பூன் வெண்ணெய் தடவி மடித்து மடித்து தேய்க்கவும்.பிறகு அதை வட்டவடிவமாக தேய்த்து மறுபடியும் அதன் மேல் வெண்ணெய் தடவி அதன் மேல் டூட்டி ப்டூட்டி தூவி சுருட்டி சின்ன சின்ன உருண்டைகளாக கட் பண்ணிக்கொள்ளவும்.

கட் பண்ண உருண்டைகளை உள்ளங்கையில் வைத்து கொஞ்சம் தட்டையாக தட்டிக் கொள்ளவும்.

அடுப்பில் குக்கரை வைத்து குக்கரில் ஒரு தட்டை போட்டு சூடானதும் அதன்மேல் கேக் செய்யும் பாத்திரத்தை நெய் தடவி வைக்கவும். அந்தப் பாத்திரத்தினுள் தட்டி வைத்த அந்த பிஸ்கட் துண்டுகளை வைத்து மூடி போட்டு 20 நிமிடம் வேக வைக்கவும்.