பீர்க்கங்காய் கடையல்

பீர்க்கங்காயை தோல் சீவி சின்ன சின்ன துண்டுகளாக கட் பண்ணி வைத்துக் கொள்ளவும். அதேபோல் தக்காளி,வெங்காயத்தையும் சின்னச் சின்ன துண்டுகளாக நறுக்கி வைத்துக் கொள்ளவும்.

அடுப்பில் கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் கடுகு, உளுந்தம் பருப்பு, சோம்பு போட்டுத் தாளிக்கவும். பிறகு கறிவேப்பிலை போட்டு தாளிக்கவும். பிறகு நறுக்கி வைத்த வெங்காயம், பூண்டு போட்டு வதக்கவும்.

வெங்காயம் வதங்கியதும் தக்காளியை போட்டு வதக்கவும். பின்பு நறுக்கி வைத்த பீர்க்கங்காயை போட்டு ஒரு நிமிடம் வதக்கவும். பிறகு 2 ஸ்பூன் சாம்பார் தூள், 1/4 ஸ்பூன் மஞ்சள் தூள் போட்டு நன்கு வதக்கவும்.

வதங்கியதும் 1 கப் தண்ணீர் ஊற்றி தேவையான அளவு உப்பு போட்டு 10 நிமிடம் வேக விடவும். பிறகு கீரை கடையிர மத்து வைத்து கடையவும்.