ஒரு பவுலில் உருகிய வெண்ணெய், தயிர், சர்க்கரை சேர்க்கவும்

அதனுடன் எண்ணெய், சோடா உப்பு சேர்த்து நன்றாக கிரீம் போல் வரும் வரை கலந்து கொள்ளவும்

பிறகு இதில் மைதா மாவு சேர்த்து அனைத்தையும் ஒன்றோடு ஒன்று கலக்கவும் பிறகு சிறிது சிறிதாக தண்ணீர் விட்டு மிருதுவாகும் வரை பிசையவும்

பிறகு சிறு உருண்டை எடுத்து படத்தில் காட்டியவாறு சுருள் சுருளாக மடிக்கவும்

இதேபோல் அனைத்தையும் தயாரித்துக் கொள்ளவும்

கடாயில் எண்ணெய் ஊற்றி எண்ணெய் நன்றாக காய்ந்ததும் குறைந்த தீயில் வைத்து பாதுஷாவை சேர்க்கவும் குறைந்த தீயில் 3 நிமிடம் வைத்து மெதுவாக திருப்பி மீண்டும் 3 நிமிடம் வைக்கவும் படத்தில் காட்டியவாறு பாதுஷாக்கள் மேலே எழும்பி வரும்போது மிதமான தீயில் 3 நிமிடம் போட்டு பொன்னிறமாகும் போது எடுக்கவும்

இதேபோல அனைத்தையும் தயாரித்துக் கொள்ளவும் மற்றொரு பாத்திரத்தில் சர்க்கரை, குங்குமப்பூ, ஏலக்காய்த்தூள் சேர்த்து சர்க்கரையை கம்பி பதம் வரும் வரை காய்ச்சவும் கம்பி பதம் வந்த பிறகு அடுப்பை அணைத்து எலுமிச்சைசாறு இதில் சேர்க்கவும்

பிறகு பாதுஷாக்கள் சேர்த்து 3 நிமிடம் திருப்பி போட்டு 2 நிமிடம் வைத்து எடுக்கவும் விருப்பப்பட்டால் பொடித்த பாதாம் முந்திரியை இதில் சேர்த்து பரிமாறவும்

குறிப்பு கண்டிப்பாக பாதுஷாகளை குறைந்த மற்றும் மிதமான தீயில் மட்டுமே பொரித்து எடுக்க வேண்டும் அப்போதுதான் உள்ளே நன்றாக வேகும்.. சர்க்கரையின் கம்பி பதம் தெரியவில்லை எனில் பிசுபிசுப்பு பதம் வந்தால் போதும்... கம்பி பதம் வந்த பிறகு சேர்க்கும் பாதுஷா ஏழு நாள் வரை வைத்து உபயோகப்படுத்தலாம்... பிசுபிசுவென இருக்கும் சர்க்கரைப் பாகில் சேர்க்கும்போது 1 அல்லது 2 நாளில் தீர்க்க வேண்டும்... பொதுவாக நான் பிசுபிசு பதத்தில் தான் சேர்ப்பேன் அப்போது சற்று நன்கு மிருதுவாக இருக்கும்