காஞ்சிபுரம் இட்லி

அரிசி, குண்டுஉளுந்து, வெந்தயம் மூன்றையும் தண்ணீர் ஊற்றி 2 மணி நேரம் ஊற வைக்கவும்.

ஒரு மிக்ஸி ஜாரில் குண்டு உளுந்தையும், வெந்தையத்தையும் தண்ணீர் தெளித்து தெளித்து பொங்கப் பொங்க அரைக்கவும்.

பிறகு மிக்ஸி ஜாரில் அரிசியை போட்டு 1 டம்ளர் தண்ணீர் ஊற்றி அரைக்கவும்.

இரண்டையும் ஒன்றாக கலந்து தேவையான அளவு உப்பு போட்டு நன்றாக கரைத்து 8 மணி நேரம் புளிக்க வைக்கவும்.

அடுப்பில் ஒரு கடாயை வைத்து இரண்டு ஸ்பூன் நல்லெண்ணெய் ஊற்றி எண்ணெய் சூடானதும் முந்திரி பருப்பு போட்டு தாளிக்கவும். பிறகு மிளகுத்தூள் போடவும்.

பிறகு சீரகத்தூள், சுக்குத் தூள், துருவிய இஞ்சி போட்டு தாளிக்கவும்.

பிறகு அரைத்த மாவில் ஊற்றி அதில் கருவேப்பிலை, மஞ்சள்தூள் போட்டு நல்லா கலக்கவும்.

பிறகு அடுப்பில் ஒரு இட்லி பாத்திரத்தை வைத்து தண்ணீர் ஊற்றி தண்ணீர் நல்லா கொத்தவுடன் துணி போட்ட இட்லி தட்டை வைத்து அதன் மேல் நெய் தடவிய கப்பை வைத்து கரைத்து வைத்த மாவை முக்கால் கப் வரை ஊற்றவும்.பிறகு மூடி வைத்து 10 நிமிடங்கள் வேக விடவும்.பிறகு பரிமாறவும்.