உருளைக்கிழங்கு பாயசம்

உருளைக்கிழங்கை நன்கு குழைய வேக வைத்து தோலுரித்து கட்டிகள் இல்லாமல் மசித்துக் கொள்ளவும்.

ஒரு கடாயில் 2 டீஸ்பூன் நெய் விட்டு முந்திரி, திராட்சை,பதாமை வறுத்தெடுத்து கொள்ளவும்..

அதே கடாயில் உருளைக்கிழங்கு மசியலைப் போட்டு சீனியும் சேர்த்து அதில் மீதமுள்ள நெய்யை சிறிது சிறிதாக ஊற்றிக் கிளறவும்.நன்கு சுருண்டு வரும் போது அதில் பாலை விட்டு மீண்டும் கிளறவும்.

கொஞ்ச நேரத்தில் கெட்டியாகி குழம்பு பதத்திற்கு வரும்.அப்போது கன்டன்ஸ்டு மில்க் சேர்த்துக் கிளறவும்.

நல்ல வாசனையோடு கொதிக்கும் இந்த பாயசத்தில் வறுத்த முந்திரி, திராட்சை, பாதாம், ஏலக்காய்த்தூள், குங்குமப்பூ சேர்த்துக் கிளறி இறக்கவும்.மிகவும் அருமையான சுவையில் உருளைக்கிழங்கு பாயசம் தயார்.