மட்டன் கொத்துக்கறி தோசை (Mutton kothukari dosai recipe in tamil)

வாணலியில் எண்ணெய் ஊற்றி எண்ணெய் காய்ந்ததும் நறுக்கிய வெங்காயம் சேர்த்து நன்றாக வதக்கிக் கொள்ளவும் பிறகு இஞ்சி பூண்டு விழுது சேர்த்து பச்சை வாசனை போக வதக்கி கறியை சேர்த்து ஒரு நிமிடம் அதிக தீயில் வதக்கவும்

பிறகு மிதமான தீயில் 3 நிமிடம் வதக்கவும் பிறகு இதில் மிளகாய் தூள், கரம் மசாலா

தனியாத்தூள், மட்டன் மசாலா, தேவையான அளவு உப்பு சேர்த்து பச்சை வாசனை போக மிதமான தீயில் நன்றாக வதக்கவும்

பிறகு இதில் தயிர் சேர்த்து 2 நிமிடம் மிதமான தீயில் வதக்கி அரை கப் தண்ணீர் ஊற்றி குறைந்த தீயில் மூடி 15 நிமிடம் வேக வைக்கவும்

கொத்துக் கறி வெந்த பிறகு இதில் மிளகுத்தூள் நறுக்கிய கொத்தமல்லி இலை சேர்த்து அதிக தீயில் வைத்து வதக்கவும்

தண்ணீர் முழுவதும் வற்றி சுண்டி வரும் பொழுது எடுக்கவும்... கொத்துக் கறி தயார்... அடுப்பில் தோசை சட்டியை வைத்து சூடு செய்து எண்ணெய் தேய்த்துக்கொள்ளவும், பிறகு 2 கரண்டி மாவு விட்டு ஊத்தப்பம் போல் தோசை வார்க்கவும், இப்போது குறைந்த தீயில் வைத்து 100 கிராம் அளவு தயாரித்து வைத்திருக்கும் கொத்துக்கறியை இதன் மேல் எல்லா இடங்களிலும் பரவும்மாறு வைக்கவும், சுற்றிலும் எண்ணெய் விடவும்

இப்போது தோசை சட்டியை மூடி 2 நிமிடம் தோசையை கொத்து கறி வேகும் வரை வைக்கவும் பிறகு திருப்பிப் போட்டு அதிக தீயில் ஒரு நிமிடம் வைத்து எடுக்கவும்

சுவையான மட்டன் கொத்துக்கறி தோசை தயார்