1கப் கோதுமை மாவை சலித்து மிக்ஸி ஜாரில் சேர்க்கவும். தேவையான அளவு உப்பு சேர்த்து தண்ணீர் விட்டு அரைத்து விடவும்.

தேவையான அளவு தண்ணீர் விட்டு அரைத்தவுடன் அதை 1 கிண்ணத்தில் சேர்த்து 1/4 டீஸ்பூன் மிளகாய்த்தூள், சிறிது சீரகம் சேர்த்து கலக்கி விடவும். 1 பெரிய வெங்காயம் தோல் நீக்கி கழுவி பொடியாக நறுக்கி விடவும். 1 பச்சை மிளகாய் கழுவி பொடியாக நறுக்கி விடவும். சிறிது கருவேப்பிலை கொத்தமல்லி தழை கழுவி அதையும் நறுக்கி வைக்கவும்.

கடாயில் 2 டீஸ்பூன் ஆயில் விட்டு 1/2 டீஸ்பூன் கடுகு, 1 டீஸ்பூன் உளுந்து பருப்பு,1 டீஸ்பூன் கடலை பருப்பு தாளித்து நறுக்கிய பெரிய வெங்காயம், பச்சைமிளகாய் கொத்தமல்லி தழை கறிவேப்பிலையை சேர்த்து நன்கு வதக்கி விடவும். வதக்கியதை கோதுமை மாவில் சேர்த்து கலந்து விடவும்.

தோசைக்கல்லை சூடாக்கி உடன் 1 கரண்டி மாவை எடுத்து தோசைக்கல் விளிம்பிலிருந்து நடுவே ஊற்றவும். கோதுமை மாவை மிக்ஸி ஜாரில் சேர்த்து அரைத்ததால் கோதுமை தோசை கல்லில் ஒட்டாமல் திருப்பி போடுவதற்கு சுலபமாக வரும். ட்ரை செய்து பாருங்கள்.இருபுறமும் பொன்னிறமாக சுட்டு எடுக்கவும்.