அடுப்பில் பாத்திரம் வைத்து தண்ணீரில் வெல்லத்தை கரைய விடவும்.

வெல்லம் கரைந்த பின் அதனை ஒரு வடிகட்டியில் வடிக்கவும்.இப்பொழுது கம்பு மாவு, கோதுமை மாவு, வெள்ளை எள், உப்பு, ஓமம் ஏலக்காய்த்தூள் இதனை சேர்த்து பிசைந்து கொள்ளவும்.

இந்த மாவுக் கலவையில் வெல்லப் பாகை வெதுவெதுப்பாக சேர்த்து சப்பாத்தி மாவு பதத்திற்கு பிசையவும். மாவு நன்கு மிருதுவாக பிசைந்து பின் நெய் சேர்த்து பிசைந்து ஐந்து நிமிடங்கள் மூடி வைக்கவும். இதனை இரண்டு உருண்டைகளாக உருட்டி வைக்கவும்.

இப்பொழுது ஒவ்வொரு உருண்டையாக சப்பாத்தி கட்டையில் வைத்து தேய்த்து மேலே சிறிது வெள்ளை எள் தூவி மறுபடியும் தேய்க்கவும்.பொரிக்கும் பொழுது எள் தனியே பிரிந்து வராமல் இருப்பதற்காக பிரஷ்ஷில் சிறிது தண்ணீர் தொட்டு அதன் மேல் தடவவும்.

குக்கீஸ் கட்டர் உபயோகித்து விருப்பமான வடிவில் வெட்டி எடுக்கவும். மீதமுள்ள மாவை உருட்டி எடுத்து மீண்டும் தேய்த்து அதேபோல் விருப்பமான வடிவில் குக்கீஸ்களை தயார் செய்யவும்.

தயார் செய்த குக்கீஸ்களை சூடான எண்ணெயில் ஒவ்வொன்றாக சேர்த்து பொன்னிறமாக பொரித்தெடுக்கவும்.

அனைத்து குக்கீஸ்களையும் இதேபோல் பொரித்து எடுக்கவும். மிகவும் ஆரோக்கியமான கம்பு குக்கீஸ் தயார்.