ஒரு பானில் வெண்ணெய் சேர்த்து அடுப்பில் வைத்து உருகியதும் மைதா மாவு சேர்த்து தீயை குறைத்துக் கொள்ளவும். இதை நிறம் மாறாமல் வாசனை வரும் வரை இரண்டு நிமிடங்கள் வறுக்கவும்.

இதில் காய்ச்சி ஆறிய பாலை சேர்த்து சிறு தீயில் கிளறிக் கொண்டே இருக்கவும். ஒரே நிமிடத்தில் இது சுருண்டு வெண்ணைபோன்ற கலவை தயாராகும். அடுப்பை அணைத்து இதை ஆற விடவும்.

இந்த கலவையை ஒரு கிண்ணத்தில் சேர்த்து கூடவே வேகவைத்த ஸ்வீட் கார்னை ஒன்றும் பாதியுமாக அரைத்து சேர்க்கவும். இதோடு துருவிய சீஸ் சேர்க்கவும்.

கூடவே பச்சை மிளகாய் விழுது, சில்லி ஃப்ளேக்ஸ், ஒரிகநோ, மிக்ஸ்டு ஹெர்ப்ஸ், கொத்தமல்லி இலைகள் மற்றும் உப்பு சேர்த்து பிசைந்து கொள்ளவும்.

உள்ளங்கைகளில் எண்ணை தடவி இந்த கலவையில் இருந்து சிறு உருண்டை எடுத்து விருப்பமான வடிவில் உருட்டி கொள்ளவும். இவற்றை தயார் செய்து ஒரு தட்டில் வைக்கவும்.

ஒரு கிண்ணத்தில் சோள மாவு மற்றும் தண்ணீர் சேர்த்து கரைசல் தயாரிக்கவும். இதில் தயாரித்துள்ள ஸ்வீட் கார்ன் க்ரொக்கெட்ஸை பிரட்டி எடுத்து பிரெட் கிரம்ப்ஸில் நன்கு கோட் செய்யவும். இவ்வாறு தயார் செய்த அனைத்தையும் காற்றுப்புகாத டப்பாவில் ஒன்றோடு ஒன்று ஒட்டாத படி வைக்கவும். இதை மூடி போட்டு ஃப்ரீஸரில் இரண்டு மாதங்கள் வரை வைத்து தேவையான பொழுது பொரித்து எடுக்கலாம்.

தேவைப்பட்டால் தயார் செய்த நாளில் குறைந்தது இரண்டு மணி நேரம் ஃப்ரீசரில் வைத்து எடுத்து சூடான எண்ணெயில் சேர்த்து பொன்னிறமாக பொரித்து எடுக்கவும். சாஸுடன் தொட்டு சாப்பிட மிகவும் ருசியாக இருக்கும். வெளியில் மொருமொருவென்றும் உள்ளே சீஸியாகவும் சுவையாகவும் இருக்கும்.