முந்திரியை தண்ணீர் ஊற்றி 30 நிமிடம் ஊற வைக்கவும் பிறகு தண்ணீர் இல்லாமல் வடிகட்டி எடுத்துக் கொள்ளவும்

ஒரு பாத்திரத்தில் நறுக்கிய வெங்காயம், ஊற வைத்த முந்திரி, கடலை மாவு

அரிசி மாவு,நெய்,மிளகாய் தூள்

கரம் மசாலா, உப்பு, நறுக்கிய கறிவேப்பிலை, இஞ்சி பூண்டு விழுது, பெருங்காயத்தூள் சேர்த்து இவை அனைத்தையும் ஒன்றோடு ஒன்று நன்றாகக் கலத்துக்கொள்ளவும்

பிறகு இதில் சூடான எண்ணெய் சேர்த்து மீண்டும் அனைத்தையும் ஒன்றோடு ஒன்று நன்றாக கலந்து சிறிது சிறிதாக தண்ணீர் சேர்த்து சப்பாத்தி மாவு அடுத்த பதத்திற்கு பிசைந்து கொள்ளவும்

கடாயில் எண்ணெய் ஊற்றி எண்ணெய் காய்ந்ததும் மிதமான தீயில் சிறு சிறுத் துண்டுகளாக பொரித்து எடுக்கவும்

குறைந்தது 15 நிமிடம் மிதமான தீயில் வைத்து பொரித்தெடுக்கவும் அப்போதுதான் மொறுமொறுவென வரும்.. இதேபோல அனைத்தையும் பொரித்து எடுக்கவும்

சுவையான முந்திரி வெங்காய பக்கோடா தயார்

குறிப்பு : சூடான எண்ணெய் சேர்ப்பதனால் மொறுமொறுப்பு தன்மை குறையாமல் இருக்கும்.. நெய் சேர்ப்பதால் கூடுதல் சுவை தரும்.. மிளகாய்த் தூளுக்குப் பதிலாக பொடியாக நறுக்கிய பச்சை மிளகாய் சேர்த்து கொள்ளலாம்.. மிதமான தீயில் மட்டுமே பொரித்தெடுக்க வேண்டும் குறைந்தது 15 நிமிடம் மிதமான தீயில் இருக்க வேண்டும்.. தண்ணீர்போல் பிசைந்தால் மொறு மொறு தன்மை குறைந்துவிடும்