தேவையான பொருட்களை எடுத்து வைத்துக் கொள்ளவும். பச்சரிசியை அரை மணி நேரம் தண்ணீரில் ஊற வைத்துக் கொள்ளவும். கால் கப்பிற்கு மேலாக அல்லது அரைக் கப்பிற்கு குறைவாக பாசிப் பருப்பை வாணலியில் லேசாக சூடுபடுத்திக் கொள்ளவும். மூன்று ஏலக்காய் மற்றும் அரை ஸ்பூன் சுக்குப் பொடி,ஒரு சிட்டிகை பச்சை கற்பூரம் மூன்றையும் பொடி செய்து வைத்துக் கொள்ளவும்.ஒரு டேபிள்ஸ்பூன் நெய்யில் முந்திரிப் பருப்பு மற்றும் உலர் திராட்சையில் சிவக்க வறுத்து வைத்துக் கொள்ளவும்

வெல்லத்தை கால் டம்ளர் தண்ணீர் சேர்த்து அடுப்பில் வைத்து கரையும் வரை கொதிக்க வைத்துக் கொள்ளவும். அதில் நுணுக்கி வைத்த சுக்கு, ஏலக்காய், பச்சைகற்பூர பொடியை சேர்த்து நன்கு கலந்து விடவும். இப்போது ஊறிய அரிசியுடன் வறுத்த பாசிப் பருப்பை கழுவி அதனுடன் சேர்த்து ஒன்றுக்கு நான்கு கப் அளவு தண்ணீர் சேர்த்து பிரஷர் குக்கரில் குழைய வேக வைத்துக் கொள்ளவும். மூன்று அல்லது நான்கு சவுண்ட் வரை விசில் விடவும்.