அடுப்பில் வாணலியில் 2 டேபிள் ஸ்பூன் நெய் விட்டு கோதுமை மாவு சேர்த்து 5 நிமிடம் அடுப்பை குறைவான தீயில் வைத்து வறுத்து எடுத்து கொள்ளவும்.

பிறகு ஒரு பவுலில் மாவை மாற்றம் செய்து சூடு தணிந்த பின் உப்பு, மில்க் பவுடர், சோடா உப்பு,2 டேபிள் ஸ்பூன் நெய் சேர்த்து கலந்து விட்டு பால் சிறிதளவு சேர்த்து நன்கு சப்பாத்தி மாவு பதத்திற்கு பிசைந்து 10 நிமிடம் மூடி போட்டு ஊறவைத்து கொள்ளவும்.

சர்க்கரை பாகு தயார் செய்ய அடுப்பில் ஒரு பாத்திரத்தில் சர்க்கரை, தண்ணீர் சேர்த்து கலந்து விடவும்.சர்க்கரை கரைந்து வந்ததும் இதை வடிகட்டி எடுத்து அடுப்பில் வைத்து கொதிக்க விடவும்.

இதில் ஏலக்காய் தட்டி சேர்த்து புட் கலர் சேர்த்து கலந்து விட்டு 5 நிமிடம் கொதிக்க விட்டு இறக்கவும்.

பிறகு இந்த மாவை தேவையான வடிவில் உருட்டி கொள்ளவும். நான் உருளை வடிவில் உருட்டி வைத்துள்ளேன்.

அடுப்பில் வாணலியில் எண்ணெய் ஊற்றி காய்ந்ததும் அடுப்பை மீடியமான தீயில் வைத்து எல்லா உருண்டைகளை பொன்னிறமாக பொரித்து எடுக்கவும்.

பொரித்த பிறகு இதை சூடாக உள்ள பாகில் சேர்த்து விடவும்.குறைந்தது 5 மணி நேரம் அப்படியே ஊற வைக்கவும்.சுவையான மிகவும் சாஃப்டான ஜூஸியான கோதுமை மாவு ஜாமுன் தயார். நன்றி