முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு கடாயில் 1 டீஸ்பூன் நெய் விட்டு காய்ந்ததும் அதில் கோதுமை மாவை நன்கு மணம் வரும் வரை வறுக்கவும்.பின்னர் பாலை சிறிது சிறிதாக சேர்த்து நன்றாக கலந்து கொள்ளவும்.2 டீஸ்பூன் நெய் விட்டு கலந்து மிருதுவான மாவு பதத்திற்கு பிசைந்து கொள்ளவும்.

ஒரு கடாயில் சர்க்கரை 2 கப் தண்ணீர் 4 கப் சேர்த்து நன்றாக கொதிக்க விடவும். நன்றாக சிரப் பதத்திற்கு வந்ததும் ஏலக்காய் தட்டி சேர்த்து நன்கு கொதிக்க விடவும். பிசைந்த மாவை சிறு சிறு உருண்டைகளாக உருட்டி கையில் சிறிது நடுவில் அழுத்தி படத்தில் காட்டியபடி வைத்துக் கொள்ளவும்.

ஒரு கடாயில் பொரிக்க தேவையான அளவு எண்ணெய் விட்டுக் காய்ந்ததும் அதில் உருட்டிய பேடா உருண்டைகளை சேர்த்து இரு புறமும் பொன்னிறமாக பொரித்து எடுக்கவும். பின்னர் சர்க்கரை சிரப்பில் சேர்த்து 4-6 மணி நேரம் வரை ஊறவைத்து கொள்ளவும். நன்றாக ஊறியதும் தனியாக எடுத்து நடுவில் செய்த குழியில் சிறிது பிஸ்தா பருப்பை துருவி வைக்கவும்.இப்போது சுவையான கோதுமை பேடா தயார். நன்றி. ஹேமலதா கதிர்வேல்.