வெங்காயத்தையும் தக்காளியையும் பொடியாக நறுக்கிக் கொள்ளவும். நான்கு டம்ளர் தண்ணி தண்ணீர் ஊற்றி அடுப்பில் வைத்து கொதி வந்தவுடன் நூடுல்ஸை போட்டு 5 நிமிடம் வேக வைக்கவும். நூடுல்ஸ் வெந்தவுடன் அதனை குளிர்ந்த நீரில போடவும். மூன்று நிமிடங்களுக்கு பிறகு ஒரு வடிகட்டியில் ஊற்று நீரை வடித்து நன்றாக ஆறவிடவும்.

கடாயில் 2 குழிக்கரண்டி அளவு எண்ணெய் ஊற்றி வெங்காயம் தக்காளி இஞ்சி-பூண்டு விழுது ஆகியவற்றை ஒன்றன் பின் ஒன்றாக போட்டு வதக்கவும் பின் மஞ்சள் தூள் சாம்பார் தூள் கரம் மசாலா தூள் ஆகியவற்றைப் போட்டு நன்றாக ஒரு நிமிடம் வரை வதக்கவும். இந்த மசாலாவுக்கு தேவையான உப்பை சேர்த்துக் கொள்ளவும். மசாலா அடி பிடிப்பது போன்ற இருந்தால் சற்று தண்ணீர் சேர்த்துக் கொள்ளலாம்.

நூடுல்ஸ் நன்றாக ஆறியதும் உதிர் உதிராக பிரித்து இந்த அடுப்பில் உள்ள மசாலா கலவையில் கொட்டி நன்றாக கிளறவும். இரண்டும் ஒன்றோடு ஒன்று நன்றாக சேர்ந்தவுடன் அடுப்பை அணைத்துவிடவும் கொத்தமல்லி இலைகளை தூவி பரிமாறவும்.