சர்க்கரை வள்ளக்கிழங்கு சாதம் (Sarkarai vallikilanku satham recipe in tamil)

சர்க்கரை வள்ளிக்கிழங்கை மண் போக நன்கு கழுவி முக்கால் பதத்திற்கு வேகவைத்துக் கொள்ளவும். தோல் உரித்து துருவிக் கொள்ளவும். பெரிய வெங்காயத்தை சன்னமாக அரிந்து கொள்ளவும். குடை மிளகாயை பொடியாக அரிந்து கொள்ளவும். கேரட்டை துருவி வைத்துக் கொள்ளவும்.ஒரு டேபிள்ஸ்பூன் தேங்காய் துருவல் துருவி வைத்துக் கொள்ளவும். ஒன்று அல்லது காரத்திற்கேற்ப 2 பச்சை மிளகாய் அறிந்து கொள்ளவும். எண்ணெய், கடுகு, உளுத்தம் பருப்பு, நெய் எடுத்து வைத்துக் கொள்ளவும்.

ஒரு நான்ஸ்டிக் கடாயில் எண்ணெய் சேர்த்து அதில் கடுகு, உளுந்து தாளிக்கவும். பிறகு வெங்காயம், பச்சை மிளகாய் சேர்த்து லேசாக வதக்கவும். அதன் பிறகு கேரட் குடைமிளகாய் சேர்த்து வதக்கவும். 3 நிமிடம் மூடி வைக்கவும்.. கேரட் சிறிது நிறம் மாறி வெந்து இருக்கும்.

இப்போது தேவையான அளவு தூள் உப்பு சேர்த்து கலந்து கொள்ளவும்.பிறகு இதனுடன் தேங்காய் துருவல் சேர்த்து நன்கு கலந்து விடவும். ஒரு நிமிடம் கழித்து துருவிய சர்க்கரை வள்ளி கிழங்கை சேர்த்து நன்கு கலந்து விட்டு 2 நிமிடம் வரை வைத்திருக்கவும். மிதமான தீயில் செய்யவும்.

இப்போது வடித்து ஆற வைத்த சாதத்தை ஒரு ஸ்பூன் நெய் சேர்த்து காயுடன் கலந்து விடவும். கொத்தமல்லி கருவேப்பிலை பொடியாக அரிந்து சேர்க்கவும்.

சுவையான சர்க்கரைவள்ளிக்கிழங்கு சாதம் லஞ்ச் பாக்ஸ் ரெடி. தொட்டுக்கொள்ள அப்பளம் அல்லது வடகம், அல்லது சிப்ஸ் எடுத்துக் கொள்ளவும்.