மேற்கூறிய தேவையான அத்தனை பொருட்களையும் எடுத்து வைத்துக் கொள்ளவும்.

நான்கு அல்லது மூன்று வரமிளகாயை தங்கள் குழந்தைகளுக்கு தேவைக்கேற்ப காரத்திற்கு எடுத்துக் கொள்ளவும். ஒரு வாணலியில் ஒரு டேபிள்ஸ்பூன் எண்ணெய் விட்டு அதில் மிளகாயை இளஞ்சிவப்பாக வறுத்து தனியாக எடுத்து வைத்துக் கொள்ளவும். அதே எண்ணெயில் கடலைப்பருப்பு உளுத்தம்பருப்பு இரண்டையும் வறுத்து (இளம் சிவப்பாக) எடுத்துக் கொள்ளவும். ஆற வைத்துக் கொள்ளவும். துருவிய தேங்காய் கால் கப்,ஊற வைத்த புளி, கறிவேப்பிலை மற்றும் வறுத்த பொருட்களை மிக்ஸியில் சேர்த்து கொள்ளவும். நைசாக அரைக்கவும்.

அதே வாணலியில் ஒரு ஸ்பூன் எண்ணெய் விட்டு அதில் கடுகு, உளுத்தம்பருப்பு,கடலைப்பருப்பு, வறுத்த நிலக்கடலை, அல்லது முந்திரிப் பருப்பு,கிள்ளிய ஒரு வரமிளகாய், மற்றும் கருவேப்பிலை கொஞ்சம் கிள்ளி தாளித்துக் கொள்ளவும். சிவக்க தாளித்த உடன் அதில் அரைத்த கறிவேப்பிலை விழுதை சேர்த்து நன்கு வாசம் வர வறுத்துக்கொள்ளவும்.

பிறகு இதில் 2 கப் உதிரியாக வேக வைத்த சாதத்துடன் தேவையான அளவு தூள் உப்பு சேர்த்து நன்கு கலந்து கொள்ளவும். ஒரு ஸ்பூன் நெய் சேர்த்து கலந்து கொள்ளவும். தொட்டுக்கொள்ள வடகம் அல்லது குழந்தைகளுக்கு பிடித்த பொரிக்கும் வடக வகைகள்,அப்பளம், முறுக்கு,மிக்ஸர் போன்ற ஏதாவது ஒன்று சேர்த்து லஞ்ச் பாக்ஸ் ரெடி செய்து கொடுக்கவும். குழந்தைகள் மட்டுமல்ல அலுவலகம் செல்லும் பெரியவர்கள் கூட சாப்பிட எடுத்துச் சென்றால் நன்றாக இருக்கும்.