ஒரு குக்கரில் தேவையான அளவு நெய் மற்றும் எண்ணெய் விட்டு சூடானதும் பட்டை, கிராம்பு, லவங்கம், ஒரு பிரியாணி இலை, இரண்டு பச்சை மிளகாய் மற்றும் வெங்காயம் சேர்த்து நன்றாக பொன்னிறமாக வதக்கவும்.

வெங்காயம் நன்றாக வதங்கிய பின்பு நறுக்கி வைத்த தக்காளி கொத்தமல்லித் தழை புதினா சேர்த்து நன்றாக வதக்கவும். தக்காளி நன்றாக வதங்கியவுடன் மிளகாய்த்தூள், மிளகுத்தூள் சேர்க்கவும்.

மசாலா சேர்த்து நன்றாக வதங்கிய பின்பு சிறிதளவு கரம் மசாலா, உப்பு சேர்த்துக் கொள்ளவும். தேவையான அளவு தண்ணீர் சேர்த்துக் கொள்ளவும்.

பாஸ்மதி அரிசியை 20 நிமிடம் ஊறவைத்து நன்றாக கழுவி அரிசியை சேர்க்கவும். அரிசி ஓரளவு வெந்தவுடன் வேக வைத்துள்ள முட்டையை சேர்த்து கிளறவும்.

மூடி போட்டு ஒரு விசில் விட்டு 10 நிமிடம் அடுப்பை சிம்மில் வைத்து கேஸ் அடங்கியதும் குக்கரை திறக்கவும்.

சுவையான சுலபமான முறையில் முட்டை பிரியாணி தயார்.