பட்டாணியை நன்கு கழுவி 8 மணி நேரம் ஊற வைக்க வேண்டும் பிறகு மூழ்கும் வரை தண்ணீர் விட்டு நன்கு வேக வைக்க வேண்டும் பட்டாணியின் தோல் பிரிந்து வந்திருக்க வேண்டும்

அடுப்பில் கடாயை வைத்து சமையல் எண்ணெய்யை ஊற்றி பட்டை பிரியாணி இலை ஏலக்காய் கிராம்பு சீரகம் தாளித்து பொடியாக நறுக்கிய வெங்காயத்தை போட்டு நன்கு வதக்கி

பச்சை மிளகாய் இஞ்சி பூண்டு விழுது சேர்த்து பச்சை வாசனை போகும் வரை வதக்கி தக்காளி சேர்த்து நன்கு வதக்கி மல்லித்தூள் மிளகாய்த்தூள் கரம்மசாலா மஞ்சள்தூள் சேர்த்து நன்கு வதக்கி அரை டம்ளர் தண்ணீர் விட்டு கொதிக்க விடவும்

வேகவைத்த பட்டாணியை சேர்த்து தேவையான அளவு உப்பு சேர்த்து ஒரு நிமிடம் கொதிக்க விட வேண்டும் கலவை கெட்டியானதும் 1 டம்ளர் தண்ணீர் விட்டு மூடி வைத்து கொதி விடவேண்டும் கொத்தமல்லி தூவி இறக்கவும் மேலே பச்சை வெங்காயம் தூவி சாப்பிடவும் குக்னி (பட்டாணி)மசாலா ரெடி