பிரியாணி மசாலா தயாரிக்க, எடுத்து வைத்துள்ள பொருட்களை ஒரு இரும்பு பேனில், மிதமானதீயில் வறுத்து ஆற வைத்து பொடித்துக் கொள்ளவும்.

காளானை கழுவி சுத்தம் செய்து இரண்டாக வெட்டிக் கொள்ளவும். வெங்காயம் மற்றும் தக்காளியை நீளமாக நறுக்கிக் கொள்ளவும். பச்சை மிளகாயை கீறி வைக்கவும். மல்லி மற்றும் புதினா இலைகளை நறுக்கி கொள்ளவும்.

தேவையான பொருட்களை தயாராக எடுத்து வைத்துக் கொள்ளவும். அரிசியை இரண்டு தண்ணீரில் கழுவி ஊற்றிவிட்டு, மூன்றாம் தண்ணீரில் 20 நிமிடம் ஊறவைக்கவும்.

குக்கரில் எண்ணெய் ஊற்றி காய்ந்ததும், பிரியாணி இலை, வெங்காயம், முந்திரி சேர்த்து வதக்கி வெங்காயம் பொன்னிறமாக வதங்கிய பின், பாதியளவு மல்லி புதினா இலைகள், தக்காளி, இஞ்சி பூண்டு விழுது, பச்சை மிளகாய் சேர்த்து வதக்கவும்.2 நிமிடம் வதக்கிய பின் உப்பு, மஞ்சள்தூள், மிளகாய்த்தூள் சேர்க்கவும்.

கூடவே தயிர் மற்றும் எலுமிச்சை சாறு சேர்த்து மூடி வைத்து தக்காளி மசியாமல் வதக்கிக் கொள்ளவும்.

பின் காளானை சேர்த்து 2 நிமிடம் வதக்கவும். இரண்டரை கப் தண்ணீர் சேர்த்து பிரியாணி மசாலா தூள் சேர்க்கவும்.

தண்ணீர் கொதி வந்தபின் அரிசியை வடித்து சேர்க்கவும். ஒரு தேக்கரண்டி நெய் சேர்த்து,மீதமுள்ள மல்லி புதினா இலைகளை சேர்த்து உப்பு சரி பார்க்கவும். தேவைப்பட்டால் உப்பு சேர்த்துக் கொள்ளவும். குக்கரை மூடி ஆவி வந்தபின் விசில் போட்டு சிறு தீயில் 10 நிமிடம் தம் செய்யவும்.

மிகவும் சுவையான காளான் பிரியாணி தயார். அரிசி உதிரி உதிரியாக அருமையாக இருக்கும். தயிர் பச்சடியுடன் சாப்பிட மிகவும் சுவையாக இருக்கும். இந்தப் புத்தாண்டிற்கு செய்து குடும்பத்துடன் சாப்பிடலாம்.