1/2 கிலோ மொச்சை வாங்கி தோல்நீக்கி கழுவி, இரவு தண்ணீரில் ஊற வைத்து காலையில் தோலை பிதுக்கி எடுத்து வைக்கவும்.

பிதுக்கி எடுத்து வைத்த மொச்சையை தனியாக எடுத்து வைக்கவும். 25 சின்ன வெங்காயம்,12 பல் பூண்டு தோல் நீக்கி கழுவி சிறிது தட்டி எடுத்து வைக்கவும்.1/4 துவரம் பருப்பை வேக வைக்கவும்.

வெந்த பருப்பை நன்கு கடைந்து விடவும்.கடாயில் 3 டீஸ்பூன் ஆயில் விட்டு, 2 டேபிள்ஸ்பூன் துருவிய தேங்காய், 4 சின்ன வெங்காயம், 3 பல் பூண்டு,6 குண்டு வரமிளகாய்,1 டேபிள்ஸ்பூன் தனியா, 1 டீஸ்பூன் கசகசா சேர்த்து நன்கு வறுத்து விடவும்.

வறுத்ததை ஆறவிட்டு மிக்ஸியில் சேர்த்து நைசாக அரைத்து விடவும். கடாயில் 2 டீஸ்பூன் நெய் விட்டு, 2 கிராம்பு,1 துண்டு பட்டை தாளித்து விடவும்.

அதனுடன் சின்ன வெங்காயம், பூண்டு சிறிது கறிவேப்பிலை, 1 வரமிளகாய் சேர்த்து வதக்கி விடவும். 1 தக்காளியை நறுக்கி சேர்த்து வதக்கவும். பிதிக்கி வைத்த மொச்சையும் சேர்த்து நன்கு வதக்கவும்.

வதக்கிய அனைத்தையும் வெந்த துவரம்பருப்பில் சேர்த்து வேக விடவும். உப்பு, அரைத்த விழுதையும் சேர்த்து குக்கரில்1 விசில் வேக விடவும்.

வெந்தவுடன் புளியைக் கரைத்து 2 டேபிள் ஸ்பூன் அளவுக்கு புளித் தண்ணீர் ஊற்றி கொதிக்க விடவும். குழம்பு நன்கு கொதித்த வுடன் அடுப்பிலிருந்து இறக்கி விடவும்.

சுவையான பிதுக்கு பருப்பு குழம்பு ரெடி😋😋 பூரி சூடான சாதம், இட்லி தோசைக்கு ஏற்றது. சூடான சாதத்துடன் பிதுக்கு பருப்பு குழம்பு அப்பளம், வடகம் பொரித்து வைத்து சாப்பிட அருமையாக இருக்கும்.