மேற்கூறிய தேவையான எல்லா பொருட்களையும் தயாராக எடுத்து வைத்துக் கொள்ளவும். ஒரு பெரிய வெங்காயத்தை பொடியாக அரிந்து கொள்ளவும். இரண்டு மீடியம் சைஸ் தக்காளியை பொடியாக அரிந்து கொள்ளவும் ஒரு ஸ்பூன் இஞ்சி பூண்டு விழுது எடுத்துக் கொள்ளவும்.ஒரு ஸ்பூன் வரக்கொத்தமல்லி தூள், ஒரு ஸ்பூன் கஷ்மிரி மிளகாய்த் தூள், கால் ஸ்பூன் சீரக தூள், அரை ஸ்பூன் மஞ்சள் தூள், ஒரு ஸ்பூன் உப்புத்தூள் எடுத்துக் கொள்ளவும்.

புதிய பிஞ்சு வெண்டைக்காயை கழுவி சுத்தம் செய்து ஈரம் போக நன்கு துடைத்து விட்டு அதை இரண்டு இன்ச் அளவிற்கு வெட்டிக் கொள்ளவும்.ஒரு ஸ்பூன் கடலைமாவு, அரை ஸ்பூன் மிளகாய்த் தூள், கால் ஸ்பூன் உப்பு மூன்றையும் வெட்டிய வெண்டைக் காயில் சேர்த்து நன்கு கலந்து விடவும். இதில் ஒரு ஸ்பூன் அளவு தண்ணீர் தெளித்து நன்கு கலந்து கொள்ளவும்.

ஒரு நான் ஸ்டிக் கடாயில் அல்லது அடி கனமான வாணலியில் ஒரு டேபிள் ஸ்பூன் எண்ணெய் சேர்த்து அதில் வெண்டைக்காயை சேர்த்து வதக்கி, 10 நிமிடம் வரை மூடி வைக்கவும். அவ்வப்போது திறந்து நன்கு கிளறி விடவும்.வெண்டைக்காய் நிறம் மாறாமலும் தீயாமல் இருக்கவும் மிதமான தீயில் செய்யவும். பிறகு தனியாக எடுத்து வைத்துக் கொள்ளவும்.

அதே கடாயில் மீண்டும் ஒரு டேபிள்ஸ்பூன் எண்ணெய் சேர்த்து அதில் அரை ஸ்பூன் சீரகம் சேர்த்து பொரிய விடவும். பிறகு அதில் பொடியாக நறுக்கிய வெங்காயம் இஞ்சி-பூண்டு விழுது சேர்த்து ஒரு நிமிடம் வதக்கவும்.பிறகு பொடியாக நறுக்கிய தக்காளியை சேர்த்து ஒரு நிமிடம் வதக்கி ஐந்து நிமிடம் வரை மூடி வைக்கவும்.

வெங்காயம் தக்காளி நன்றாக வெந்தவுடன் கரண்டியால் கொஞ்சம் மசித்து விடவும்.பிறகு அதில் கரம் மசாலா தவிர அனைத்து மசாலா பொருட்களையும் சேர்த்து பச்சை வாசம் போகும் வரை நன்கு வதக்கவும். பிறகு ஒரு டேபிள்ஸ்பூன் அளவு தயிரை அதில் சேர்க்கவும்.தயிர் சேர்க்கும் போது மிதமான தீயில் சேர்க்கவும் தயிர் பிரியாமல் இருக்கும்.

தயிர் நன்கு கலந்தவுடன் அதில் அரை கப் தண்ணீர் சேர்த்து கலந்து விடவும். 5 நிமிடம் மூடி வைத்து எண்ணெய் பிரியும் வரை வைத்திருக்கவும்.

எண்ணெய் பிரிந்த உடன் வதக்கி வைத்த வெண்டைக்காய் சேர்த்து அரை ஸ்பூன் கரம் மசாலா சேர்க்கவும். நிதானமாக வெண்டைக்காய் உடையாமல் கிளறிவிடவும். பிறகு ஒரு ஸ்பூன் கஸ்தூரி மேத்தி கையில் கசக்கி வெண்டைக்காய் மசாலாவில் சேர்க்கவும்.கலந்து விட்டு கொள்ளவும்.அடுப்பை அணைக்கவும்.