ஒரு அடிகனமான வாணலியில் ஒரு ஸ்பூன் எண்ணெய் சேர்த்து காய்ந்தவுடன் அதில் கடுகு உளுத்தம்பருப்பு இஞ்சி துண்டுகள் நீளவாக்கில் அரிந்த வெங்காயம் பச்சை மிளகாய் போன்றவற்றை சேர்த்து வதக்கவும். பிறகு தக்காளி சேர்த்து வதக்கவும். கடைசியாக பட்டாணி மற்றும் கேரட்டை சேர்த்து ஒரு நிமிடம் வதக்கி விடவும். தேவையான அளவு தண்ணீர் சேர்க்கவும். அரை ஸ்பூன் மஞ்சள் தூள் மற்றும் தேவையான அளவு கல்லுப்பு சேர்த்து கொள்ளவும். இப்போது வெங்காயம் பட்டாணி காய் வேகும் வரை மூடி வைத்து மிதமான தீயில் வேகவிடவும்.

2 டேபிள் ஸ்பூன் கடலை மாவை எடுத்துக்கட்டி இல்லாமல் தண்ணீர் சேர்த்து கரைத்து வைத்துக் கொள்ளவும். வெங்காயம் காய்கள் வெந்தவுடன் தண்ணீர் சிறிது தேவை என்றால் பார்த்து சேர்த்துக் கொள்ளவும். தண்ணீர் ஊற்றி கரைத்து வைத்த கடலை மாவை சேர்த்து கொதிக்க விடவும்.கடைசியாக கறிவேப்பிலை கொத்தமல்லி சேர்த்துக் கொள்ளவும்.