ராகி முருங்கைக்கீரை அடை (Raagi murunkai keerai adai recipe in tamil)

கடாயில் எண்ணெய் விட்டு காய்ந்ததும் கடுகு, உளுந்து பொடிதாக நறுக்கிய பச்சை மிளகாய் சேர்த்து நன்கு வதக்கவும்

பொடிதாக அரிந்த வெங்காயத்தை சேர்த்து அடுப்பை மிதமான தீயில் வைத்து நன்கு வதங்கியதும் கீரையை அலசி தண்ணீர் வடித்து அதனையும் சேர்க்கவும்

கீரையை ஒரு நிமிடம் வரை வதக்கி விட்டு அடுப்பை அணைக்கவும்

ஒரு மிக்சிங் பௌல் ல் ராகி மாவை எடுத்துக்கொண்டு அதனுடன் வதக்கிய கீரையை சேர்க்கவும்

இப்போது இதனுடன் தேவையான அளவு உப்பு சேர்த்து மீண்டும் நன்கு கலந்து விடவும்

தேவையான அளவு தண்ணீர் தெளித்து நன்கு கலந்து மாவை அடை பதத்துக்கு கெட்டியாக பிசைந்து கொள்ளவும். சிறு உருண்டை அளவு எடுத்துக் கொள்ளவும்

வாழை இலையில் அடைகளாக கையால் தட்டவும்

தோசை தவா காய்ந்ததும் இலையோடு அப்படியே கவிழ்த்து அடையை அதனுள் வைக்கவும்

இலையை மெதுவாக எடுத்து விடவும். அதே இலையை திரும்பத் திரும்பவும் பயன்படுத்தலாம். அடுப்பை குறைந்த தணலில் வைத்து அடையை வேகவிடவும்

சுற்றிலும் நல்லெண்ணெய் விட்டு திருப்பி திருப்பி போட்டு வெந்ததும் எடுத்து சூடாக சாப்பிடவும்