கடாயில் தேவையான அளவு எண்ணெய் விட்டு காய்ந்ததும் பூண்டு பல், பொடிதாக நறுக்கிய வெங்காயத்தை சேர்த்து நன்கு வதக்கவும்

பிறகு பொடியாக அரிந்த தக்காளி சேர்த்து வதக்கி, சிறிதளவு உப்பு சேர்த்து அடுப்பை மிதமான தீயில் வைத்து நன்கு மசிய வதக்கவும்.

இதனை நன்கு ஆற வைத்து மிக்ஸியில் சேர்த்து நைசாக அரைத்து எடுத்துக் கொள்ளவும். முட்டையை வேக வைத்து அதாவது அவித்து உரித்து எடுத்துக் கொள்ளவும்

மற்றொரு கடாயில் எண்ணெய் விட்டு காய்ந்ததும் முட்டையை முழுதாக, பொன்னிறமாக வதக்கி தனியே எடுத்துக்கொள்ளவும்.

அதே கடாயில் மீதமிருக்கும் எண்ணெயில் பட்டை, பூ, ஏலக்காய், கிராம்பு சேர்த்து தாளித்து நீளவாக்கில் கீறிய பச்சை மிளகாயை சேர்த்து நன்கு வதக்கவும்

பிறகு அரைத்து வைத்துள்ள தக்காளி, வெங்காய விழுதை சேர்த்து கிளறி விடவும்

அடுப்பை குறைத்து வைத்து மிளகாய் தூள், மல்லித்தூள் மஞ்சள்தூள் சேர்க்கவும்

பிறகு கரம் மசாலா சேர்த்து நன்கு கிளறி விட்டு அரை கப் அளவு தண்ணீர் ஊற்றவும்

இப்போது தேவையான அளவு உப்பு சேர்த்து குறைந்த தணலில் மூடி வைக்கவும். 10 முதல் 15 நிமிடங்கள் வைத்திருக்கவும்

பிறகு மூடியை திறந்து கிளறி விட்டு வறுத்து வைத்துள்ள முட்டையை சேர்த்து மீண்டும் மிதமான தீயில் 5 முதல் 10 நிமிடங்கள் வைத்திருக்கவும். அதாவது கிரேவி பதம் எண்ணெய் பிரிந்து வரும் வரை வைத்திருந்து அடுப்பை அணைக்கவும். இறுதியாக கறிவேப்பிலை, கஸூரி மேத்தி சிறிதளவு தூவி இறக்கவும்