ஒரு பாத்திரத்தில் தண்ணீர் ஊற்றி கொதிக்க விடவும்

அதில் முட்டையை சேர்த்து நன்கு வேகவைத்து ஆறியதும் தோல் உரித்து நறுக்கி வைக்கவும்

வேறு பாத்திரத்தில் தண்ணீர் ஊற்றி கொதிக்க விடவும்

கொதி வரும் போது வெங்காயம் முந்திரி தக்காளி சேர்த்து வேகவிடவும்

பத்து நிமிடங்கள் வரை வெந்ததும் இறக்கி ஆறவைத்து வடிகட்டி தக்காளியின் மேல் தோல் நீக்கி விட்டு மிக்ஸியில் போட்டு நைசாக அரைத்து எடுக்கவும்

தேங்காயை துருவி கெட்டியான தேங்காய் பால் எடுத்து வைக்கவும்

வாணலியில் எண்ணெய் மற்றும் சிறிது நெய் விட்டு சூடானதும் பட்டை கிராம்பு ஏலக்காய் பிரியாணி இலை சேர்த்து வெடிக்க விடவும்

பின் கடுகு சோம்பு சேர்த்து பொரிய விட்டு கறிவேப்பிலை நறுக்கிய பச்சைமிளகாய் சேர்த்து வதக்கவும்

பின் இஞ்சி பூண்டு விழுது சேர்த்து வதக்கவும்

பின் பச்சை வாசனை போனதும் அரைத்து வைத்துள்ள விழுதை சேர்த்து நன்கு கிளறவும்

பின் மஞ்சள் தூள் மிளகாய்த்தூள் கறி மசாலா தூள் சேர்த்து வதக்கவும்

பின் தேங்காய் பால் சேர்த்து தேவையான அளவு உப்பு சேர்த்து நன்கு கலந்து கொதிக்க விடவும்

நன்கு கொதித்ததும் நறுக்கி வைத்துள்ள முட்டையை சேர்த்து நன்கு கிளறவும்

இரண்டு நிமிடம் வரை கொதித்ததும் கொத்தமல்லி தழை தூவி இறக்கவும்

பின் மீதமுள்ள நெய்யை பரவலாக ஊற்றி கிளறவும்