அரிசியை மூன்று முறை நன்கு கழுவி மூழ்கும் அளவு தண்ணீர் விட்டு 10 நிமிடம் ஊறவைக்கவும். பிரஷர் குக்கர்'ரில் நெய் விட்டு, கிராம்பு, ஏலக்காய்,பிரியாணி இலை,பட்டை மற்றும் வெங்காயம் போட்டு வதக்கவும்.

பிறகு இஞ்சி பூண்டு விழுது, பச்சை மிளகாய் சேர்த்து வெங்காயம் பொன்னிறமாகும் வரை வதக்கவும். அடுத்தது கொத்துமல்லி இலை, புதினா, முந்திரி பருப்பு சேர்த்து வதக்கி, தேவையான அளவு தண்ணீர் சேர்க்கவும்.

ஊறவைத்த அரிசியை சேர்க்கவும். தேவையான அளவு உப்பு சேர்த்து கலந்து குக்கர்'ரை மூடவும். ஆவி வந்ததும் வெயிட் போட்டு 2 விசில் வரும் வரை வேகவிடவும். அடுத்தது ஒரு கடாயில் முந்திரி பருப்பு, திராட்சை, மெலிதாக நறுக்கிய பெரிய வெங்காயம் சேர்த்து வறுக்கவும். பிரஷர் போன பின், குக்கர்'ரை திறக்கவும். இதன் மேல் வறுத்த முந்திரி, திராட்சை,வறுத்த வெங்காயம் சேர்க்கவும்.