காளானை கழுவி நன்கு சுத்தம் செய்து,துண்டுகளாக நறுக்கி வைக்கவும்.

வாணலியை ஸ்டவ்வில் வைத்து எண்ணெய் ஊற்றி சூடானதும் கடுகு, கறிவேப்பிலை சேர்த்து நறுக்கி வைத்துள்ள வெங்காயம், தக்காளி சேர்த்து வதக்கவும்.

பின்னர் நறுக்கி வைத்துள்ள காளான் துண்டுகளை சேர்க்கவும். நன்கு வதக்கவும்.

அதன் பின் மஞ்சள் தூள்,தனியாத்தூள்,குழம்பு மிளகாய் தூள் சேர்த்து நன்கு வதக்கவும்.

காளானில் நிறைய தண்ணீர் வரும். அந்த தண்ணீரில் மசாலாவின் பச்சை வாசம் போகும் வரை வதக்கவும்.

பின்னர் கொஞ்சம் தண்ணீர்,உப்பு சேர்த்து நன்கு கலந்து மூடி வைக்கவும்.மிதமான சூட்டில் பத்து நிமிடங்கள் வேக வைக்கவும். மல்லி இலை தூவி இறக்கவும்.

இப்போது மிகவும் சுவையான காளான் காரக்குழம்பு தயார்.எடுத்து பரிமாறும் பௌலில் சேர்க்கவும்.