முதலில் கேரட்டை நன்கு கழுவி விட்டு தோல் சீவி பொடியாக அரிந்து கொள்ளவும். அதேபோல் பீன்ஸ் கழுவி பொடியாக அரிந்து கொள்ளவும். ஒரு மீடியம் சைஸ் பெரிய வெங்காயத்தை பொடியாக அரிந்து கொள்ளவும் கறிவேப்பிலை கொத்தமல்லித் தழை பொடியாக அரிந்து கொள்ளவும். பாசிப் பருப்பை கழுவி கால் டம்ளர் வரை தண்ணீர் சேர்த்து குக்கரில் போடவும். அதனுடன் பொடியாக அறிந்த கேரட் மற்றும் பீன்ஸை சேர்க்கவும். அதில் தேவையான அளவு உப்பு மஞ்சள் தூள் சாம்பார் தூள் சேர்க்கவும். 2 டேபிள் ஸ்பூன் துருவிய தேங்காய் எடுத்துக் கொள்ளவும்.

ஒரு வாணலியில் இரண்டு ஸ்பூன் எண்ணெய் சேர்த்து சூடான பிறகு கடுகு உளுத்தம்பருப்பு கடலைப்பருப்பு மற்றும் சீரகம் மிளகாய் சேர்த்து பொரியவிடவும். பிறகு பொடியாக அரிந்த வெங்காயத்தை சேர்த்து வதக்கவும். நன்கு வதங்கிய பிறகு அதில் கறிவேப்பிலை கொத்தமல்லித்தழை சேர்த்துக் கொள்ளவும். இப்போது வேகவைத்த காயை சிறிது தண்ணீர் இருந்தால் வடித்துவிட்டு சேர்த்துக் கொள்ளவும். கரண்டி கொண்டு மிதமான தீயில் கிளறிவிடவும். மூன்று நிமிடம் கழித்து துருவிய தேங்காய் 2 டேபிள் ஸ்பூன் சேர்த்து மீண்டும் ஒரு பிரட்டு பிரட்டவும்.

சுவையான கேரட் பீன்ஸ் பாசிப்பருப்பு பொரியல் ரெடி.