கடலைப்பருப்பு
4 மணி நேரம் தண்ணீரில் ஊற வைத்து எடுக்கவும்.மிக்ஸியில் ஊற வைத்த பருப்பு, சீரகம், பச்சை மிளகாய் சேர்த்து அரைத்து எடுத்து கொள்ளவும்.

வாணலியில் எண்ணெய் ஊற்றி காய்ந்ததும் சிறு சிறு துண்டுகளாக போட்டு வெளியே மொறு மொறுப்பாக உள்ளே சாஃப்ட் ஆக பொரித்து எடுக்கவும்.

கடாயில் எண்ணெய் விட்டு காய்ந்ததும் பட்டை கிராம்பு ஏலக்காய் பிரியாணி இலை சேர்த்து வெங்காயம் சிறிதாக நறுக்கியது பச்சை மிளகாய் சேர்த்து வதக்கவும்.

இஞ்சி பூண்டு விழுது சேர்த்து வதக்கவும். தக்காளி, மஞ்சள் தூள், உப்பு சேர்த்து வதக்கவும்.

இதில் மிளகாய் தூள், மல்லி தூள், கரமசாலா சேர்த்து வதக்கி தண்ணீர் ஊற்றி உப்பு காரம் சரிபார்த்து எண்ணெய் பிரிந்து வரும் வரை கொதிக்க விடவும்.

மிக்ஸியில் தேங்காய் துருவல், சோம்பு சேர்த்து பேஸ்ட் போல் அரைத்து எடுத்து கொள்ளவும். அரைத்த தேங்காய் பேஸ்ட் ஐ கிரேவியில் ஊற்றி கலந்து விட்டு உப்பு, காரம் சரிபார்த்து கொள்ளவும்.

பொரித்த வடையை கை வைத்து சின்னதாக பிய்த்து கிரேவியில் சேர்த்து கொள்ள வேண்டும்.கிரேவி கொதித்து வாசனை வந்ததும் கொத்தமல்லி தூவி இறக்கவும்.